سید عاطف علی
لائبریرین
عید الاضحی کے دن میری آٹھویں غزل کے بعد
ایک تازہ غزل پیش ہےتمام احبابِ محفلین کے لیے۔
ایک تازہ غزل پیش ہےتمام احبابِ محفلین کے لیے۔
کوئے بتاں میں تیرا نشاں ڈھونڈتے رہے
ہم لامکاں میں ایک مکاں ڈھونڈتے رہے
مسحور اک طلسم ِ ندیدہ سے عمر بھر
تھامے چراغ تیرا نشاں ڈھونڈتے رہے
زیر ِزمین گھر کا نہ گزرا ہمیں خیال
ہم زیر ِآسمان اماں ڈھونڈتے رہے
افسانہ جوئے شیر کا سن کر تڑپ اٹھے
تیشہ بدست کوہ گراں ڈھونڈتے رہے
دیوانہ وار جشن ِبہاراں کو چھوڑ کر
مستانہ وار فصل ِخزاں ڈھونڈتے رہے
خاطر میں لائے خار مغیلاں کبھی نہ ہم
گم گشتہ وہ ہی محمل ِ جاں ڈھونڈتے رہے
دریا تھا ساتھ ساتھ مگر تشنگی نہ تھی
صحرا میں آکےآب رواں ڈھونڈتے رہے
تسلیم شیخ جی کی کرامت ہمیں مگر
بیعت کو دستِ پیر مغاں ڈھونڈتے رہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سید عاطف علی
ہم لامکاں میں ایک مکاں ڈھونڈتے رہے
مسحور اک طلسم ِ ندیدہ سے عمر بھر
تھامے چراغ تیرا نشاں ڈھونڈتے رہے
زیر ِزمین گھر کا نہ گزرا ہمیں خیال
ہم زیر ِآسمان اماں ڈھونڈتے رہے
افسانہ جوئے شیر کا سن کر تڑپ اٹھے
تیشہ بدست کوہ گراں ڈھونڈتے رہے
دیوانہ وار جشن ِبہاراں کو چھوڑ کر
مستانہ وار فصل ِخزاں ڈھونڈتے رہے
خاطر میں لائے خار مغیلاں کبھی نہ ہم
گم گشتہ وہ ہی محمل ِ جاں ڈھونڈتے رہے
دریا تھا ساتھ ساتھ مگر تشنگی نہ تھی
صحرا میں آکےآب رواں ڈھونڈتے رہے
تسلیم شیخ جی کی کرامت ہمیں مگر
بیعت کو دستِ پیر مغاں ڈھونڈتے رہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سید عاطف علی
