اکبر الہ آبادی "میری تقدیر موافق نہ تھی تدبیر کے ساتھ " (اکبرالٰہ آبادی)

[طارق شاہ]

غزل ​

اکبرالٰہ آبادی​

​

میری تقدیر موافق نہ تھی تدبیر کے ساتھ ​

کُھل گئی آنکھ نگہباں کی بھی، زنجیر کے ساتھ ​

​

کُھل گیا مصحفِ رخسارِ بُتانِ مغرب ​

ہو گئے شیخ بھی حاضر نئی تفسیر کے ساتھ​

​

ناتوانی مِری دیکھی، تو مصوّر نے کہا ​

ڈر ہے، تم بھی کہیں کِھنچ آؤ نہ تصویر کے ساتھ​

​

بعد سیّد کے، میں کالج کا کروں کیا درشن ​

اب محبت نہ رہی اُس بُتِ بے پِیر کے ساتھ ​

​

میں ہوں کیا چیز، جو اُس طرز پہ جاؤں اکبر​

ناسخ و ذوق بھی، جب چل نہ سکے میر کے ساتھ​

​

اکبرالٰہ آبادی​

 

[سید زبیر]

کُھل گیا مصحفِ رخسارِ بُتانِ مغرب
ہو گئے شیخ بھی حاضر نئی تفسیر کے ساتھ
واہ ۔ بہت خوب طارق شاہ صاحب

 

[عاطف بٹ]

میں ہوں کیا چیز، جو اُس طرز پہ جاؤں اکبر
ناسخ و ذوق بھی، جب چل نہ سکے میر کے ساتھ
واہ واہ، بہت اعلیٰ شاہ جی۔

 

[طارق شاہ]

میں ہوں کیا چیز، جو اُس طرز پہ جاؤں اکبر
ناسخ و ذوق بھی، جب چل نہ سکے میر کے ساتھ
واہ واہ، بہت اعلیٰ شاہ جی۔

نوازش اظہار خیال کے لئے
خوشی ہوئی جو انتخاب پسند آیا

 

[محمد وارث]

واہ کیا اچھی غزل ہے۔

شکریہ طارق صاحب ارسال فرمانے کیلیے۔

 

[abdul qayyum BWP]

میری تقدیر موافق نہ تھی تدبیر کے ساتھ
کُھل گئی آنکھ نگہباں کی بھی، زنجیر کے ساتھ
بہت ہی زبردست غزل ہے
اکبر الہٰ آبادی
شکریہ طارق صاحب ارسال فرمانے کیلیے۔