میری شاعری

[ملک محمد اسد]

السلام علیکم احباب درج ذیل نظم. میں نے کافی عرصہ پہلے لکھی تھی اور اپنے فیس بک اکاؤنٹ "دل مضطر" پر ڈال دی تھی جو کہ الحمدللہ کافی مقبول ہوئی لیکن کم لوگ جانتے ہیں کہ یہ نظم میری تخلیق ہے اس لیئے آج یہاں پوسٹ کر رہا ہوں میں

جب بچہ تھا
تو اکثر
کھلونے ٹوٹ جاتے تھے
میرے رونے پہ
ماں آکر کھلونے جوڑ دیتی تھی
سنا ہے ماں سے بھی بڑھ کر
تجھے الفت ہے بندوں سے
تو
آ کے جوڑ دے یا رب
میں خود کو توڑ بیٹھا ہوں

از قلم : ملک محمد اسد

پہلی بار پوسٹ کرنے کا لنک
https://web.facebook.com/photo.php?...set=pb.100004817252151.-2207520000.1421788719

 

[راحیل]

ماشاللہ، کیا کہنے!

 

[کاظمی بابا]

آ کے جوڑ دے یا رب
میں خود کو توڑ بیٹھا ہوں
۔
یہ تو آپ نے ہمارے دل کی بات کہ دی ۔ ۔ ۔

 

[ملک محمد اسد]

السلام علیکم احباب
میں نہیں جانتا کہ میں صحیح جگہ اپنی نظم ارسال کر رہا ہوں یا نہیں کیونکہ اس ویب سائٹ سے انجان ہوں، اگر کسی کو صحیح لڑی معلوم ہے تو رہنمائی کر دیں، جزاک اللہ خیرا
نظم پیش خدمت ہے

تیرا کُن سنوں کر معجزہ
تیری ذات سے کیا بعید ہے
تُو جو چاہے پل میں سدھار دے
میرا جتنا بگڑا نصیب ہے
میری بگڑی پل میں بنا دے نہ
مجھے پھر سے مجھ سے ملا دے نہ
فقط ایک کُن کا سوال ہے

محض ایک بھیک عطاء کرو
میرے چارہ گر میرے چارہ ساز
مجھے درد سے رہا کرو
تُو جو ماں سے بڑھ کے ہے چاہتا
رہوں کیوں میں پھر بھی بلکتا
تیرے بس میں ہے میرے مالکا
فقط ایک کُن کا سوال ہے

میرے لفظ بکھرے ہوئے سہی
میری بے ربط سی دعا سہی
تجھے دل کا حال پتہ تو ہے
تجھے میرے درد پتہ تو ہیں
کہ میں لاکھ بد، برا سہی
تیرے درد پہ آیا ہوں بھیک دے
فقط ایک کُن کا سوال ہے

از قلم: ملک محمد اسد

 

[محمد عدنان اکبری نقیبی]

ماشاءاللہ اسد صاحب

 

[عاطف ملک]

السلام علیکم احباب
میں نہیں جانتا کہ میں صحیح جگہ اپنی نظم ارسال کر رہا ہوں یا نہیں کیونکہ اس ویب سائٹ سے انجان ہوں، اگر کسی کو صحیح لڑی معلوم ہے تو رہنمائی کر دیں، جزاک اللہ خیرا
نظم پیش خدمت ہے

تیرا کُن سنوں کر معجزہ
تیری ذات سے کیا بعید ہے
تُو جو چاہے پل میں سدھار دے
میرا جتنا بگڑا نصیب ہے
میری بگڑی پل میں بنا دے نہ
مجھے پھر سے مجھ سے ملا دے نہ
فقط ایک کُن کا سوال ہے

محض ایک بھیک عطاء کرو
میرے چارہ گر میرے چارہ ساز
مجھے درد سے رہا کرو
تُو جو ماں سے بڑھ کے ہے چاہتا
رہوں کیوں میں پھر بھی بلکتا
تیرے بس میں ہے میرے مالکا
فقط ایک کُن کا سوال ہے

میرے لفظ بکھرے ہوئے سہی
میری بے ربط سی دعا سہی
تجھے دل کا حال پتہ تو ہے
تجھے میرے درد پتہ تو ہیں
کہ میں لاکھ بد، برا سہی
تیرے درد پہ آیا ہوں بھیک دے
فقط ایک کُن کا سوال ہے

از قلم: ملک محمد اسد

بہت خوب ملک محمد اسد صاحب!
بہت خوبصورت ہے آپ کی یہ نظم۔
اصلاح سخن کے سیکشن میں پوسٹ کر دیں کیونکہ مجھے تو پابند معلوم۔ہو رہی ہے یہ نظم۔

 

[ملک محمد اسد]

بہت نوازش احباب
جزاک اللہ خیرا
عاطف بھائی اصلاح سخن کی لڑی کا لنک مل سکتا ہے؟

 

[محمد تابش صدیقی]

بہت خوب ملک محمد اسد صاحب!
بہت خوبصورت ہے آپ کی یہ نظم۔
اصلاح سخن کے سیکشن میں پوسٹ کر دیں کیونکہ مجھے تو پابند معلوم۔ہو رہی ہے یہ نظم۔

جی۔ دونوں نظمیں معمولی کوشش سے پابندِ بحور ہو جائیں گی۔

 

[ملک محمد اسد]

لیکن مجھے ایسے ہی پسند ہوں تو کوئی مضائقہ ہے؟ طالب ہوں رہنمائی کیجیئَے

 

[محمد تابش صدیقی]

آپ اپنی پسند کے مطابق چلیے۔ یہاں کوئی زبردستی نہیں، یہ صرف ہماری رائے تھی۔

 

[ملک محمد اسد]

آپکی رائے سر آنکھوں پر تنقیدی جائزہ کا منتظر ہوں، مزید بہتر کرنے کی کوشش کروں گا انشاء اللہ

 

[ملک محمد اسد]

ایک قطعہ پیش خدمت ہے کم عمر میں لکھا تھا غالبا" سولا سال کا تھا تب

عالم عشق ہے یہ سوز و زیاں سے لبریز
داستاں اسکی ہے بھنبھور و کنعاں سے لبریز
یا تو ہے موت یا دیوانگی انجام اس کا
کبھی منصور کی سولی، کبھی شوق تبریز

طالب اصلاح
ملک محمد اسد

 

[ملک محمد اسد]

اور ایک غزل احباب کی خدمت میں

تم نے سوچا ہی نہ تھا ہجر کے بارے پاگل
ننگے پاوں ہیں اور تلوار کے دھارے، پاگل

اس قدر تیرگی میں کیسے ٹھکانہ ڈھونڈیں؟
کون دیتا ہے فقیروں کو سہارے پاگل

عمر بھر کون بھلا ساتھ تمہارا دیتا؟
تم تو بھولے ہو، دیوانے ہو، بیچارے پاگل

نقد ڈھونڈے سے جہاں نیند میسر نہ ہوں
واں تمہیں خواب ہیں درکار ادھادرے؟ پاگل!

سانس دی، روح دی، دھڑکن دی، زندگی دی اسد
کس قدر کم ہیں محبت کے خسارے، پاگل

از قلم: ملک محمد اسد

 

[ملک محمد اسد]

ماں مجھے نیند کیوں نہیں آتی؟
ماں، مجھے چین کیوں نہیں ملتا؟
ماں، مجھے خواب کیوں نہیں آتے؟
باتیں کرتا ہوں رات بھر لیکن
در و دیوار چپ کیوں رہتے ہیں؟
یہ کوئی بات کیوں نہیں کرتے؟
ماں
عجب حال ہے مرا کہ مجھے
دنیا بھر کی دوائیں کھا کر بھی
کروٹیں بس نصیب ہوتی ہیں
ماں۔ ۔ ۔ ۔ ۔ ۔
مجھے اب تو ایسا لگتا ہے
نیند لانے کو، چین پانے کو
مجھَے اب بس دعاء کی حاجت ہے
مجھ کو اس بیوفا کی حاجت ہے

از قلم: ملک محمد اسد

 

[یاسر حسین]

السلام علیکم احباب
میں نہیں جانتا کہ میں صحیح جگہ اپنی نظم ارسال کر رہا ہوں یا نہیں کیونکہ اس ویب سائٹ سے انجان ہوں، اگر کسی کو صحیح لڑی معلوم ہے تو رہنمائی کر دیں، جزاک اللہ خیرا
نظم پیش خدمت ہے

تیرا کُن سنوں کر معجزہ
تیری ذات سے کیا بعید ہے
تُو جو چاہے پل میں سدھار دے
میرا جتنا بگڑا نصیب ہے
میری بگڑی پل میں بنا دے نہ
مجھے پھر سے مجھ سے ملا دے نہ
فقط ایک کُن کا سوال ہے

محض ایک بھیک عطاء کرو
میرے چارہ گر میرے چارہ ساز
مجھے درد سے رہا کرو
تُو جو ماں سے بڑھ کے ہے چاہتا
رہوں کیوں میں پھر بھی بلکتا
تیرے بس میں ہے میرے مالکا
فقط ایک کُن کا سوال ہے

میرے لفظ بکھرے ہوئے سہی
میری بے ربط سی دعا سہی
تجھے دل کا حال پتہ تو ہے
تجھے میرے درد پتہ تو ہیں
کہ میں لاکھ بد، برا سہی
تیرے درد پہ آیا ہوں بھیک دے
فقط ایک کُن کا سوال ہے

از قلم: ملک محمد اسد

کچھ عروضی اغلاط ہیں ۔۔ کوشش کریں تو صحیح ہو جائیں گی ۔۔