میرے ابا نے مجھ کو تہذیب سکھائی چار بجے:: غزل از:: محمد خلیل الرحمٰن

[محمد خلیل الرحمٰن]

میرے ابا نے مجھ کو تہذیب سِکھائی چار بجے
محمد خلیل الرحمٰن

آج ہوئی ہے میری گھر میں خوب دھُنائی چار بجے
میرے ابا نے مجھ کو تہذیب سِکھائی چار بجے

آج بُزرگوں کی یادوں کا سایہ تھا مجھ پر شاید
اِن یادوں نے نانی مجھ کو یاد دِلائی چار بجے


ساڑھے پانچ بجے روزآنہ ابو گھر کو آتے ہیں
آج یہ کیسی سر میں اُن کے آن سمائی چار بجے

افسر سے جب لڑکر ابو جلدی گھر کو لوٹ آئے
اِس دِن گویا گھر پر میری شامت آئی چار بجے

پہلے امّی سے جھگڑے اور پھِر مجھ پر تھی نظرِ کرم
پہلے ہات اور بعد میں اپنی لات چلائی چار بجے

​

چار بجے

راجہ مہدی علی خاں

بیٹھے بِٹھائے ہوگئی گھر میں مار کُٹائی ،چار بجے
میرے بُزرگوں نے مجھ کو تہذیب سِکھائی ، چار بجے

’’اُلٹی ہوگئیں سب تدبیریں ، کچھ نہ ’دُعا‘ نے کام کیا‘‘
امّی اور ابّا نے مِل کر میرا ’’کام تمام‘‘ کیا
آج محلے بھر میں گونجی میری دُہائی چار بجے
میرے بُزرگوں نے مجھ کو تہذیب سِکھائی ، چار بجے

ناحق ہم مجبوروں پر یہ تہمت ہے مختاری کی
کتنی خوشی سے ہم نے اپنے پِٹنے کی تیاری کی
سارے گھر میں ہم کیسی دھوم مچائی چار بجے
میرے بُزرگوں نے مجھ کو تہذیب سِکھائی ، چار بجے

بی ہمسائی تو کیوں آئی تجھ کو شاید علم نہیں
یہ میرے پِٹنے کا منظر ہے کوئی اچھی فلم نہیں
تو میرا یہ میٹنی شو کیوں دیکھنے آئی چار بجے
میرے بُزرگوں نے مجھ کو تہذیب سِکھائی ، چار بجے

چائے کی میز پہ میں نے کچھ کھچ نقص نکالے فوڈ میں تھے
ہائے ری قسمت امی ابا دونوں ہی کچھ موڈ میں تھے
بیٹھے بیٹھے اُن کو سوجھی میری بھلائی چار بجے
میرے بُزرگوں نے مجھ کو تہذیب سِکھائی ، چار بجے

تیرے حکم بنا اے داتا پتا تک نہیں ہلتا ہے
میں تو جانوں تیرے ہی در سےمجھ کو سب کچھ ملتا ہے
تھینک یو تھینک یو تو نے کرائی میری ٹھکائی چار بجے
میرے بُزرگوں نے مجھ کو تہذیب سِکھائی ، چار بجے​

امجد میانداد ، قیصرانی ، محمود احمد غزنوی ، ابن سعید ، سید زبیر

 

[شمشاد]

مبارک ہو خلیل بھائی۔ آئندہ خیال رکھیئے گا کہ روزانہ چار بجے گھر سے ادھر ادھر ہو جایا کریں۔

بہت داد قبول فرمائیں۔

 

[محمد اسامہ سَرسَری]

ماشاءاللہ! ماشاءاللہ! ماشاءاللہ!
بہت اعلیٰ جناب! کیا بات ہے آپ کی۔

 

[محمد خلیل الرحمٰن]

مبارک ہو خلیل بھائی۔ آئندہ خیال رکھیئے گا کہ روزانہ چار بجے گھر سے ادھر ادھر ہو جایا کریں۔

بہت داد قبول فرمائیں۔

خیال رہے یہ روزآنہ کی کہانی نہیں بلکہ ایک روز کا قصہ ہے۔

 

[محمد خلیل الرحمٰن]

ماشاءاللہ! ماشاءاللہ! ماشاءاللہ!
بہت اعلیٰ جناب! کیا بات ہے آپ کی۔

جزاک اللہ جناب

 

[عمر سیف]

بہت خوب ۔۔ چار بجے سو جایا کریں بچت ہوجائے گی۔

 

[جیہ]

بہت خوب ۔ زبردست چار بجے کی بھی کہی آپ جناب نے

 

[محمد خلیل الرحمٰن]

بہت خوب ۔ زبردست چار بجے کی بھی کہی آپ جناب نے

آداب عرض ہے جیہ بہنا!

 

[محمد خلیل الرحمٰن]

مبارک ہو خلیل بھائی۔ آئندہ خیال رکھیئے گا کہ روزانہ چار بجے گھر سے ادھر ادھر ہو جایا کریں۔

بہت خوب ۔۔ چار بجے سو جایا کریں بچت ہوجائے گی۔

تجویز تو آپ کی بھی خوب ہے جناب

 

[مزمل شیخ بسمل]

بہت اچھے خلیل بھائی۔
آپ نے بھی چار بجے کی خوب رٹ لگائی۔

 

[ملائکہ]

پہلے وہ گانا تھا چار بج گئے لیکن پارٹی ابھی باقی ہے اب چار بجے ابا نے تہذیب سکھا کر پارٹی ختم کردی

 

[عمراعظم]

چار بجے کی دُھنائی اور تہذیب ، واہ کیا خوب فرمایا خلیل بھائی۔

 

[محمود احمد غزنوی]

بارہ بجے جو بنتا سنگھ پر بیت گئی
ایسی کیفیت ہم پر آئی چار بجے

 

[الف عین]

زبردست خلیل. راجہ مہدی علی اں کی نظم بھی کہیں پوسٹ کریں

 

[الف عین]

زبردست خلیل. راجہ مہدی علی خاں کی نظم بھی کہیں پوسٹ کریں

 

[محمد خلیل الرحمٰن]

جی جناب پوسٹ کردی ہے

 

[یوسف-2]

خیال رہے، کہیں تاریخ اپنے آپ کو نہ دہرانے لگے . لہٰذا چار بجے گھر آنے سے احتیاط کیجئے گا .

بہت خوب اور بہت ساری داد