میرے بول اوَلّے - شریف کنجاہی

[شمشاد]

اج میں بھیڑا، اج میں جھوٹھا ، میرے ول اولّے
چنگ تہاڈی ہٹی وکدا، سچ تہاڈے پلّے
اج وی جے میں اکھ مٹکے دے ای گیت سناواں
بال ناتھ دے چیلے والی تھاں تھاں ناد وجاواں
قصّیاں دے وچ رانجھا بن بن جس گھر وقت گزاراں
اوسے گھر دیاں کُڑیاں کڈھاں ، اوتھے ای سنھ ماراں
رنّاں دیاں اک اک کر کے سر توں پیراں تائیں
وار و واری چسکے لے لے کراں میں صفت ثنائیں
تاں تے مینوں چنگیاں جانو، میریاں واراں گاؤ
میرے اک اک مصرعے اُتّے رالاں پئے وگاؤ

جے میں آکھاں اسیں تسیں آں اک آدم دے جائے
کیوں مڑ اک وگاراں کٹّے تے اک ویلھیاں کھائے
جے میں آکھاں دنیا اُتّے بے گھر نہ کوئی ہووے
جے میں آکھاں بُڈھے ویلے ٹوکری نہ کوئی ڈھووے
جے میں آکھاں مسّا لونا سارے رل کے کھائیے
اک دُوجے دیاں باہواں بنیئے نالے بھار ونڈائیے
جے میں آکھاں جھگڑیاں والیاں ساریاں مسلاں ٹھپئے
مار مکاؤو گلاں دے وچ نہ ہفئیے نہ کھپئے
تاں میں بھیڑا تاں میں جھُوٹا ، میرے بول اولّے
چنگ تہاڈی ہٹی وکدا، سچ تہاڈے پلّے
(شریف کنجاہی)

 

[عمر سیف]

جے میں آکھاں اسیں تسیں آں اک آدم دے جائے
کیوں مڑ اک وگاراں کٹّے تے اک ویلھیاں کھائے
جے میں آکھاں دنیا اُتّے بے گھر نہ کوئی ہووے
جے میں آکھاں بُڈھے ویلے ٹوکری نہ کوئی ڈھووے
جے میں آکھاں مسّا لونا سارے رل کے کھائیے
اک دُوجے دیاں باہواں بنیئے نالے بھار ونڈائیے
جے میں آکھاں جھگڑیاں والیاں ساریاں مسلاں ٹھپئے
مار مکاؤو گلاں دے وچ نہ ہفئیے نہ کھپئے
تاں میں بھیڑا تاں میں جھُوٹا ، میرے بول اولّے
چنگ تہاڈی ہٹی وکدا، سچ تہاڈے پلّے

واہ ۔۔

 

[حاتم راجپوت]

بہت عمدہ۔۔ بہت اعلیٰ۔۔۔

 

[نوید رزاق بٹ]

جے میں آکھاں دنیا اُتّے بے گھر نہ کوئی ہووے
جے میں آکھاں بُڈھے ویلے ٹوکری نہ کوئی ڈھووے

سوہنا انتخاب۔

 

[محمد محبوب]

ودھیا