میرے جیسے بن جاؤ گے جب عشق تمہیں ہو جائے گا ٭ سعید راہی

[محمد عدنان اکبری نقیبی]

میرے جیسے بن جاؤ گے جب عشق تمہیں ہو جائے گا
دیواروں سے سر ٹکراؤگے جب عشق تمہیں ہو جائے گا

ہر بات گوارا کر لو گے منت بھی اتارا کر لو گے
تعویذیں بھی بندھواؤ گے جب عشق تمہیں ہو جائے گا

تنہائی کے جھولےجھولو گے ہر بات پرانی بھولو گے
آئینے سے تم گھبراؤگے جب عشق تمہیں ہو جائے گا

جب سورج بھی کھو جائے گا اور چاند کہیں سو جائے گا
تم بھی گھر دیر سے آؤ گے جب عشق تمہیں ہو جائے گا

بے چینی بڑھ جائے گی اور یاد کسی کی آئے گی
تم میری غزلیں گاؤ گے جب عشق تمہیں ہو جائے گا

سعید راہی
​

 

[محمد عدنان اکبری نقیبی]

جگجیت سنگھ ، چترا سنگھ کی خوبصورت آواز میں یہ شاندار غزل ۔

 

[گلزار خان]

بہت اچھی غزل پیش کی بلکہ شراکت محفل