میرے محتسب۔ از ناعمہ عزیز

[ناعمہ عزیز]

مرے چارہ گر
مرے محتسب
مری بات سن
مجھے صبر دے
مجھے دے سدا
تو یہ حوصلہ
کہ میں سہہ سکوں
جو ہیں غم سبھی
جو ہیں دکھ سبھی
مری ذات کے
مرے لم یزل
مرے راہبر
مری بات سن
تو بلاشبہ،
مجھے آزما
کڑے امتحاں
سے مجھے مٹا
تو اگر سنے،
مری التجا
مجھے بھی دکھا
وہی راستہ
کہ چلوں اگر
تو میں لڑکھڑا کے گروں نہیں
جو میں گرپڑوں
تو اے چارہ گر
مجھے تھام لے

 

[قیصرانی]

دعا ہی دے سکتا ہوں بہنا

 

[ناعمہ عزیز]

شکریہ بھیا

 

[ناعمہ عزیز]

شمشاد چاچو
ابن سعید سعود لالہ
مقدس
سلمان حمید لالہ
فاتح لالہ
محمد احمد بھیا
الف عین چاچو
عاطف بٹ لالہ

 

[سلمان حمید]

او آئی میری شاعرہ بہن۔ میں تو سمجھا تھا کہ تم بھی میری طرح دلبرداشتہ ہو کر لکھنا چھوڑ گئی ہو

 

[ابن سعید]

اوئے پتر، تسی کمال کیتا سی!

 

[نایاب]

واہہہہہہہہہہہہہ
بہت خوب بٹیا رانی
بلاشک
سائیاں میری ذات ادھوری بات ادھوری
مگر تو تو مکمل ہے جان لے گا ان کہی ۔۔۔۔۔۔۔۔۔۔۔۔۔۔۔

 

[سلمان حمید]

ویسے بھئی واہ۔ بہت خوب ناعمہ ، پڑھ کے مزہ آیا
ویسے آپس کی بات ہے، لکھتی رہا کرو، خیال اچھے ہوں تو شاعری کی نوک پلک بھی سنور ہی جاتی ہے وقت کے ساتھ ساتھ

 

[ابن رضا]

بہت عمدہ
نظم کو اگر دو حصوں میں تقسیم کیا جائے تو اوپر والا حصہ نہایت شاندار ، رواں اور خوب تر ہے ۔ مگر نسبتاً نیچے والے حصہ تھوڑا توجہ طلب ہے ۔ ویسے مجموعی طور پر نظم بہت اچھا تاثر دے رہی ہے۔ خوش رہیں

 

[الف عین]

بہت اچھے ناعمہ بیٹا۔ لکھتی رہو تو ضرور اس سے بھی اچھا لکھو گی۔
بس زیادہ تر ‘میریُ مکمل کی جگہ ’مری‘ بحر میں آتا ہے۔
اور بلا شبہ کا تلفظ بھی غلط بندھا ہے۔
مجھے دے سدا
ایسا لگتا ہے کہ ”صدا‘ دینے کی بات ہے، اس کو اگلے مصرع سے ملا دو تو معلوم ہو جائے کہ حوصلہ دینے کی بات ہے

 

[شمشاد]

بہت خوب نانی اماں

بہت اچھا لکھا ہے۔

 

[مقدس]

بہت اچھا لکھا ناعمہ۔ ویل ڈن