میرے نبی(نعت)

[محمد اسامہ سَرسَری]

دل میں رہتے ہیں سدا میرے نبی​

انس و جن کے مقتدا میرے نبی​

​

ان سے افضل اور احسن کون ہے؟​

ہیں بڑے بعد از خدا میرے نبی​

​

​

کس کے اندر اس قدر اوصاف ہیں؟​

ساری خلقت سے جدا میرے نبی​

​

​

رہ نمائی ، رہ بری ، پیغمبری​

کر گئے ہر فرض ادا میرے نبی​

​

​

دین پھیلانے کی خاطر مال و جاں​

کرگئے سب کچھ فدا میرے نبی​

​

​

نامکمل ہے اذاں ان کے بغیر​

ہر مؤذن کی صدا میرے نبی​

​

​

ہر نماز ایمان کی معراج ہے​

اور تشہد کی ندا میرے نبی​

​

​

 

[زبیر مرزا]

سبحان اللہ - جزاک اللہ
اللہ تعالٰی آپ کو خیرِکثیرعطا فرمائے

 

[محمد اسامہ سَرسَری]

سبحان اللہ - جزاک اللہ
اللہ تعالٰی آپ کو خیرِکثیرعطا فرمائے

جزاکم اللہ خیرا۔ جناب زبیر مرزا صاحب۔