مینوں چوڑا آکھ ریا ایں؟ : علی زریون

[عبداللہ محمد]

مینوں چُوڑا آکھ ریا ایں ؟
سچ کہنا ایں
چُوڑا ای آں
تیرے گھر دا کُوڑا جو میں چُک دا واں
کُوڑا چُکّن والے آخر چُوڑے ای تے ھندے نیں
صبح سویرے مِٹھیاں نیندراں مانن والیا
اُچیا پائیا .. !
فجری ویلے
ھتھ وچ بوکر،منہ تے صافہ
دل وچ بچیاں دی روٹی دا سُفنا لے کے
تیریاں گلیاں وچ پھردا واں
چُوڑا ای آں
کی ھویا جےمیرے پُتر ڈگری لے لئی ؟؟
ھے تے چُوڑے دا پُتر ناں
میں وی چُوڑا،میرے دِھی پُتر وی چُوڑے
مینوں چُوڑا آکھن والیا اے تے دس دے
کون سی؟؟ جیہڑا
کافراں دے بچیَاں نوں وی سینے لاوندا سی
کون سی جیہڑا
۔"محنت وچ عظمت" کیہندا سی
کون سی جیہڑا
جیہدی پاک زبان توں رب نے فرمایا سی
۔"سب آدم دے جائے نیں تے آدم مٹی وچّوں سی"۔
میں تے تیریاں نظراں وچ اک چُوڑا ای آں
تُوں تے اوہدا کلمہ گو ایں
تینوں اوسے پاک نبی دا واسطہ ای
مینوں نیچ ملیچھ نُوں کلمہ پڑھ کے دسّیں
تیرے وچ نفرت دا کُوڑا کتھّوں آیا؟
اک مُسلم دے اندر " چُوڑا" کتھّوں آیا ؟؟
سچّی دسّیں-

علی زریون

 

[خالد محمود چوہدری]

اسیں تے آپ ای چوڑے آں۔