میں اس کی بزم سے کل رات کپڑے جھاڑ کر اٹھا

[anwarjamal]

ادھر ہستی خدا کے حکم سے جب خاک میں چمکی​

​

ستم ایجاد گردش سینہ ء افلاک میں چمکی​

​

بہار آئی تو میرے باغ میں کانٹے بھی اگ آے​

​

نمودِ زیست گل تو گل خس و خاشاک میں چمکی​

​

میں اسکی بزم سے کل رات کپڑے جھاڑ کر اٹھا​

​

انا آخر انا تھی نخوتِ پوشاک میں چمکی​

​

میں استغراق کے عالم میں تھا کہ برق سی کوندی​

​

حقیقت یک بہ یک آکر مرے ادراک میں چمکی​

​

میں وحشت کے بیابانوں میں جب پھرتا رہا برسوں​

​

محبت اوج پاکر تب ہی تو آفاق میں چمکی​

​

خوشی پہلی دفعہ دیکھی گئی جنت میں سنتے ہیں​

​

نویدِ دید جس دن چشمکِ لولاک میں چمکی​

​

چمن میں کھلتی کلیاں دیکھ کر میں خوش ہوا لیکن​

​

فنا انور خیالِ غنچہ ء صد چاک میں چمکی​

انور جمال انور

 

[اسامہ جمشید]

بہت عمدہ ، داد قبول فرمائیں۔

 

[الف عین]

بڑی استادانہ غزل ہے، مبارک ہو۔

 

[محمد خلیل الرحمٰن]

خوبصورت غزل ہے۔ داد قبول فرمائیے جناب۔

میں وحشت کے بیابانوں میں جب پھرتا رہا برسوں​

​

محبت اوج پاکر تب ہی تو آفاق میں چمکی​

آپ نے زیر کے بجائے ہائی فن استعمال کیا تھا جسکی تدوین کردی ہے۔ مندرجہ بالا شعر میں بھی کیا ٹائیپو ہے؟ کیا اسے بھی افلاک کردیا جائے؟

 

[anwarjamal]

سر ؛ مودبانہ گزارش ھے کہ میں موبائل فون سے آجکل ٹائپنگ کر رہا ہوں ،،اس لیے ،،زیر ،، نہیں لگا سکتا ،،
اور میں نے ،،آفاق ،، ہی استعمال کیا ھے ،،
گو کہ یہ قافیہ درست نہیں ،،

 

[قیصرانی]

ادھر ہستی خدا کے حکم سے جب خاک میں چمکی​

​

ستم ایجاد گردش سینہ ء افلاک میں چمکی​

​

بہار آئی تو میرے باغ میں کانٹے بھی اگ آے​

​

نمودِ زیست گل تو گل خس و خاشاک میں چمکی​

​

میں اسکی بزم سے کل رات کپڑے جھاڑ کر اٹھا​

​

انا آخر انا تھی نخوتِ پوشاک میں چمکی​

​

میں استغراق کے عالم میں تھا کہ برق سی کوندی​

​

حقیقت یک بہ یک آکر مرے ادراک میں چمکی​

​

میں وحشت کے بیابانوں میں جب پھرتا رہا برسوں​

​

محبت اوج پاکر تب ہی تو آفاق میں چمکی​

​

خوشی پہلی دفعہ دیکھی گئی جنت میں سنتے ہیں​

​

نویدِ دید جس دن چشمکِ لولاک میں چمکی​

​

چمن میں کھلتی کلیاں دیکھ کر میں خوش ہوا لیکن​

​

فنا انور خیالِ غنچہ ء صد چاک میں چمکی​

انور جمال انور

بچپن میں سکول میں پڑھی ہوئی ایک نظم جوگی یاد آگئی

 

[anwarjamal]

شکر ھے کچھ تو یاد آیا آپ کو ،،

 

[ناعمہ عزیز]

خوب