فرحان محمد خان
محفلین
میں اپنی سعیِ طلب کی تلاش میں گم ہوں
یہ وہ مقامِ نظر ہے جہاں خرد نہ جُنوں
سما گئی ہے نظر میں یہ کس کی وضع جمیل؟
بدل رہا ہے زمانہ لباسِ گوناگوں !
نمو کا جوش ہوا صرف رنگ و بودرنہ
عجب نہ تھا کی اُبلتا زمیں سے چشمہِ خوں؟
یہ کیا کہ چہرہِ حق جب بھی بے نقاب ہوا؟
فسوں زدوں کو نظر آئے خد وخالِ فسوں
ستارہِ سحر و شمعِ نیم شب کی قسم
یہاں فروغِ بروں ہے بقدرِ سوزِ دروں
یہ نازِ حسن ہے یا امتحانِ عشقِ اے دوست
کہ تیرے ساتھ رہوں اور تجھ کو پا نہ سکوں
ریاضِ دہر سے اے دوست سرسری نہ گزر
روش روش ہے تحّیر فروش و بو قلموں
ہر ایک گل کی جبیں پر لکھا ہوا ہے کیا؟
ہر ایک غنچے کے دل میں کھلا ہوا ہے کیوں؟
بس ایک آگ ہے جو حسن میں ہے گرمئی ناز
مزاجِ عشق میں ٹھہرے اگر تو سوزِ دروں
رئیسؔ یاد ہیں لاکھوں حکایتیں لیکن
کوئی سنے تو سناؤں کوئی کہے تو کہوں
یہ وہ مقامِ نظر ہے جہاں خرد نہ جُنوں
سما گئی ہے نظر میں یہ کس کی وضع جمیل؟
بدل رہا ہے زمانہ لباسِ گوناگوں !
نمو کا جوش ہوا صرف رنگ و بودرنہ
عجب نہ تھا کی اُبلتا زمیں سے چشمہِ خوں؟
یہ کیا کہ چہرہِ حق جب بھی بے نقاب ہوا؟
فسوں زدوں کو نظر آئے خد وخالِ فسوں
ستارہِ سحر و شمعِ نیم شب کی قسم
یہاں فروغِ بروں ہے بقدرِ سوزِ دروں
یہ نازِ حسن ہے یا امتحانِ عشقِ اے دوست
کہ تیرے ساتھ رہوں اور تجھ کو پا نہ سکوں
ریاضِ دہر سے اے دوست سرسری نہ گزر
روش روش ہے تحّیر فروش و بو قلموں
ہر ایک گل کی جبیں پر لکھا ہوا ہے کیا؟
ہر ایک غنچے کے دل میں کھلا ہوا ہے کیوں؟
بس ایک آگ ہے جو حسن میں ہے گرمئی ناز
مزاجِ عشق میں ٹھہرے اگر تو سوزِ دروں
رئیسؔ یاد ہیں لاکھوں حکایتیں لیکن
کوئی سنے تو سناؤں کوئی کہے تو کہوں
رئیس امروہوی