میں دھرتی دیس پنجاب دی

[عبدالقیوم چوہدری]

میں دھرتی دیس پنجاب دی
میرا جثہ لیرو لیر
میرے منہ تے جندرے چپ دے
میرا پیراں دھرم زنجیر

مینوں راکھیاں پائیاں بیڑیاں
میں گھار وچ ہوئی اسیر
مینوں ویریاں کی سی مارنا
میرے سجناں بھنے تیر

میرے رانجھے کیدو ہو گئے
میرے مرزے، خان شمیر
اج جنم جنم دیاں وَیریاں
میری سامب لئی تقدیر

میتھوں نانک بلھے کُھس گئے
میری جھولی غالب، میر
مینوں میرے پُتر ماردے
میریَاں ویریاں نال رل
​

 

[حمیرا عدنان]

واہہہ بہت ودھیا چوہدری صاحب

 

[ہارون اعجاز]

بہت زبردست پا جی

 

[ابو ہاشم]

نال اردو ترجمہ وی لکھ دتا کرو ۔انج پنجابی'چ لوکاں دی دلچسپی ودھے گی

 

[رومانہ چوہدری]

میتھوں نانک بلھے کُھس گئے
میری جھولی غالب، میر

سچائی۔ بہت خوب