حسرت موہانی میں مبتلائے رنجِ وطن ہوں وطن سے دُور

[طارق شاہ]

غزل ​

حسرت موہانی ​

میں مبتلائے رنجِ وطن ہوں وطن سے دُور​

بلبل کے دل میں یادِ چمن ہے چمن سے دُور​

​

آشفتہ کس قدر ہے، پریشان کِس قدر​

دل ہے جو اُس کی زلفِ شکن در شکن سے دُور​

​

ہے ہجر میں وصال، زہے خوبیِ خیال​

بیٹھے ہیں انجمن میں تری، انجمن سے دُور​

​

سب یاد ہیں فریبِ محبّت کے واقعات​

اب دل رہے گا اُس نگہِ سحرفن سے دُور​

​

فرقت میں اُن کی بُوئے گل اے بادِ نو بہار​

آئے بھی تو رہے مرے بیت الحزن سے دُور​

​

رعنائیِ خیال کو ٹھہرا دیا گناہ!​

زاہد بھی کس قدر ہے مذاقِ سُخن سے دُور​

​

غالب کی طرح رہ گئی حسرت مِری بھی شرم​

مارا دیارِغیر میں، مجھ کو وطن سے دُور​

​

حسرت موہانی​

 

[زبیر مرزا]

واہ جناب بہت خُوب

 

[طارق شاہ]

واہ جناب بہت خُوب

بہت ممنون ہوں اظہار خیال اور اس حوصلہ افزائی پر
خوشی ہوئی کہ غزل آپ کو پسند آئی
بہت خوش رہیں

 

[شوکت پرویز]

بہت عمدہ کلام شیئر کیا ہے، شکریہ طارق بھائی !!

 

[فرحت کیانی]

میں مبتلائے رنجِ وطن ہوں وطن سے دُور​

بلبل کے دل میں یادِ چمن ہے چمن سے دُور​

واہ۔ بہت خوب۔ اتنا عمدہ کلام شیئر کرنے کے لئے بہت شکریہ ۔​

 

[طارق شاہ]

بہت عمدہ کلام شیئر کیا ہے، شکریہ طارق بھائی !!

تشکّر اظہار خیال اورانتخاب کی پذیرائی پربھائی

بہت خوش رہیں

 

[طارق شاہ]

میں مبتلائے رنجِ وطن ہوں وطن سے دُور​

بلبل کے دل میں یادِ چمن ہے چمن سے دُور​

واہ۔ بہت خوب۔ اتنا عمدہ کلام شیئر کرنے کے لئے بہت شکریہ ۔​

شکریہ آپ کا کیانی صاحبہ، اظہار خیال اور انتخاب غزل کی پذیرائی پر
خوشی ہوئی کہ انتخاب معیار پر پورا اترا

بہت خوش رہیں

 

[حسان خان]

رعنائیِ خیال کو ٹھہرا دیا گناہ!
زاہد بھی کس قدر ہے مذاقِ سخن سے دور​

بہت عمدہ انتخاب شاہ صاحب

 

[مہدی نقوی حجاز]

زبردست غزل، کیا ہی کہنے!
شکریہ نذرِ محفل کرنے کا!

 

[طارق شاہ]

رعنائیِ خیال کو ٹھہرا دیا گناہ!​

زاہد بھی کس قدر ہے مذاقِ سخن سے دور​

بہت عمدہ انتخاب شاہ صاحب

زبردست غزل، کیا ہی کہنے!
شکریہ نذرِ محفل کرنے کا!

اظہار خیال پر آپ دونوں صاحبان کا ممنون ہوں
پسند آنا باعث شادمانی ہوا، تشکّر
بہت خوش رہیں

 

[سید زبیر]

طارق شاہ صاحب ، زبردست کلام منتخب کیا ہے داد قبول کیجئیے
ہے ہجر میں وصال، زہے خوبیِ خیال
بیٹھے ہیں انجمن میں تری، انجمن سے دُور

 

[طارق شاہ]

طارق شاہ صاحب ، زبردست کلام منتخب کیا ہے داد قبول کیجئیے
ہے ہجر میں وصال، زہے خوبیِ خیال
بیٹھے ہیں انجمن میں تری، انجمن سے دُور

تشکّر اظہار خیال کے لئے سیّد صاحب!
بہت خوش رہیں

 

[مہدی نقوی حجاز]

اظہار خیال پر آپ دونوں صاحبان کا ممنون ہوں
پسند آنا باعث شادمانی ہوا، تشکّر
بہت خوش رہیں

میرے محترم!
آپ سے ایک استدعا تھی ہماری، موصوف کے حافظے پر ہمیں پورا بھروسہ ہے!

 

[طارق شاہ]

میرے محترم!
آپ سے ایک استدعا تھی ہماری، موصوف کے حافظے پر ہمیں پورا بھروسہ ہے!

مکرمی جناب نقوی صاحب !
اُسی کتاب پر جناب صدیقی صاحب کا فون نمبر اور گھر کا پتہ درج ہے، جسے میرے کرم فرما نے مجھے مستعار دینے کا وعدہ کیا تھا
اور اب وہ کتاب اُنھیں تلاش کرنے پر نہیں مِل رہی ہے،گو کہ مِلنے پر اطلاع کا وعدہ اب بھی ہے ۔ مگر میں چاہونگا کہ آپ آرٹس کونسل سےہی
آنجناب کا پتہ اور فون نمبر حاصل کرلیں، اگر کامیاب ہُوں اور چاہیں تو مجھے بھی عنایت کردیجیے گا

اپنی محدودیت پر شرمندہ ہوں، کاش انحصار کسی اور پر نہ ہوتا، اور میرے دسترس میں بات ہوتی

بہت خوش رہیں

 

[سید شہزاد ناصر]

بہت خوبصورت کلام
شریک محفل کرنےکا شکریہ
شاد و آباد رہیں

 

[طارق شاہ]

بہت خوبصورت کلام
شریک محفل کرنےکا شکریہ
شاد و آباد رہیں

تشکّر اظہار خیال کیلئے ناصر صاحب!
خوشی ہوئی جو انتخاب پسند آیا

بہت خوش رہیں

 

[مہدی نقوی حجاز]

مکرمی جناب نقوی صاحب !
اُسی کتاب پر جناب صدیقی صاحب کا فون نمبر اور گھر کا پتہ درج ہے، جسے میرے کرم فرما نے مجھے مستعار دینے کا وعدہ کیا تھا
اور اب وہ کتاب اُنھیں تلاش کرنے پر نہیں مِل رہی ہے،گو کہ مِلنے پر اطلاع کا وعدہ اب بھی ہے ۔ مگر میں چاہونگا کہ آپ آرٹس کونسل سےہی
آنجناب کا پتہ اور فون نمبر حاصل کرلیں، اگر کامیاب ہُوں اور چاہیں تو مجھے بھی عنایت کردیجیے گا

اپنی محدودیت پر شرمندہ ہوں، کاش انحصار کسی اور پر نہ ہوتا، اور میرے دسترس میں بات ہوتی

بہت خوش رہیں

چلیں پھر ہم اس یک شنبہ کو آرٹس کانسل جا کر کھوج لگا آتے ہیں۔
یقینا باعث مسرت ہوگا آپ کو شریک کرنا!

 

[فاتح]

واہ واہ کیا خوب انتخاب ہے جناب طارق شاہ صاحب۔
دو مقامات پر اپنی کم علمی کے باعث استفسار کرنا چاہوں گا۔۔۔

دل ہے جو اُس کے زلفِ شکن در شکن سے دُور

کیا اس شعر میں اس "کی" زلف کا مقام نہیں؟

زاہد بھی کس قدر ہے مزاقِ سُخن سے دُور

اور ز سے مزاق کا کیا مطلب ہوتا ہے؟ کیونکہ ذ سے مذاق تو ذوق سے نکلا ہے اور کافی معروف لفظ ہے۔

 

[طارق شاہ]

واہ واہ کیا خوب انتخاب ہے جناب طارق شاہ صاحب۔
دو مقامات پر اپنی کم علمی کے باعث استفسار کرنا چاہوں گا۔۔۔

طارق شاہ نے کہا ہے: ↑

"دل ہے جو اُس کے زلفِ شکن در شکن سے دُور"​

​

کیا اس مصرع میں اس "کی" زلف کا مقام نہیں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
طارق شاہ نے کہا ہے: ↑

"زاہد بھی کس قدر ہے مزاقِ سُخن سے دُور"​

​

اور ز سے مزاق کا کیا مطلب ہوتا ہے؟ کیونکہ ذ سے مذاق تو ذوق سے نکلا ہے اور کافی معروف لفظ ہے۔

جناب فاتح صاحب !
"مذاق" غلط ٹائپ ہونے کی طرف، جناب حسان خان صاحب نے توجہ مبذول کروائی تھی ، لیکن تدوین کرنے کی سہولت نہ حاصل ہونے کی وجہ سے درست نہ کرسکا۔
مولانا کی روح سے معذرت کے ساتھ ، کی کا "کے" چھپنا بھی میری کوتاہ بینی میں شامل کرلیں، گو کہ کوشش رہتی ہے کہ درست ٹائپ کروں ۔

کوئی صاحب اختیار صحیح کردیں گے تو ممنون ہونگا
تشکّر انتخاب کی پذیرائی اور خُوب بینی پر

بہت خوش رہیں

 

[مدیحہ گیلانی]

واہ خوب۔ عمدہ کلام شیئر کرنے کے لئے بہت شکریہ