جاں نثار اختر مے کشی اب مری عادت کے سوا کچھ بھی نہیں - جاں نثار اختر

[فرحان محمد خان]

مے کشی اب مری عادت کے سوا کچھ بھی نہیں
یہ بھی اک تلخ حقیقت کے سوا کچھ بھی نہیں

فتنہِء عقل کے جویا ! مری دنیا سے گزر
میری دنیا میں محبت کے سوا کچھ بھی نہیں

دل میں وہ شورشِ جذبات کہاں تیرے بغیر
ایک خاموش قیامت کے سوا کچھ بھی نہیں

مجھ کو خود اپنی جوانی کی قسم ہے کہ یہ عشق
اک جوانی کی شرارت کے سوا کچھ بھی نہیں​

جاں نثار اختر​

 

[الف نظامی]

فتنہِء عقل کے جویا ! مری دنیا سے گزر
میری دنیا میں محبت کے سوا کچھ بھی نہیں

بہت خوب!