ناں پُچھدے نے، نام کی دساں

[محمد اظہر نذیر]

ناں پُچھدے نے، نام کی دساں
کیہڑا میں گُلفام کی دساں

تیرے نال تُرنڑ دی رغبت
کر چھڈیا بدنام کی دساں

مولیٰ والے یاد نے رستے
کتھے وسدا رام کی دساں

کم لینڑا جے خاص مرے توں
بندہ عاجز عام کی دساں

حاجت نے نیلام کرایا
اپڑے کتھے دام کی دساں

اُس دے نینڑاں اگے جھلیا
کی ویچنڑ اے جام کی دساں

جاگ سویرے کتھے جانڑا
ہونڑی کتھے شام کی دساں

اُس نے ڈور ہلانڑی ٹُرنڑا
کوچ اے یا بسرام کی دساں

ٹُر جانڑا اے تُوں وی اظہر
پینڑا او کہرام، کی دساں​

 

[زبیر مرزا]

واہ بوہت ودھیا

 

[عبدالقیوم چوہدری]

جاگ سویرے کتھے جانڑا
ہونڑی کتھے شام کی دساں

اُس نے ڈور ہلانڑی ٹُرنڑا
کوچ اے یا بسرام کی دساں

وا وا۔ بوہت ودیا جناب۔ زبردست

 

[محمد اظہر نذیر]

واہ بوہت ودھیا

بڑی میربانی جناب

 

[محمد اظہر نذیر]

وا وا۔ بوہت ودیا جناب۔ زبردست

بوت شکریہ جناب