نثری نظم: جب وقت صفر پر آجاتا ہے!

[مہدی نقوی حجاز]

جب وقت صفر پر آجاتا ہے!!

بندوق کی نال
میری پھڑکتی ہوئی کنپٹی کو
سہلا رہی ہے
دل آویز ترین عطر
چھپ جاتے ہیں
بارود کے آرام بخش عطر کے پیچھے
یہاں تک کہ
ماں کی آغوش کی خوشبو
بارود کی بو میں
ہاتھ پاؤں مارنے لگتی ہے
ٹرگر کو جنبش ہوتی ہے
اور گر جاتی ہے
دیوارِ خاطرات
کسی دھندلے مستقبل کے اوپر
اور گولی کا بھونڈا لمس
آگ لگا دیتا ہے
میرے افکار کے انبار کو
اور دمِ بازپسیں
جب تمام لحظے سیاہ ہوتے ہیں
اور
وقت صفر پر آجاتا ہے

مہدی نقوی حجازؔ

 

[ابن حسین]

لگتا ہے ن۔م راشد آپکا پسندیدہ شاعر ہے۔۔۔
وہی خیال کی چوٹ اور وہی انداز کی بے رحمی

 

[سید ذیشان]

بہت عمدہ نظم ہے۔

 

[مہدی نقوی حجاز]

لگتا ہے ن۔م راشد آپکا پسندیدہ شاعر ہے۔۔۔
وہی خیال کی چوٹ اور وہی انداز کی بے رحمی

جدید نظم میں، ن-م راشد نے اتنا عریض میدان فتح کیا ہے کہ ہم ایسے چارسو مل کر بھی اس میدان سے باہر بات نہیں کر سکتے۔ میرا پسندیدہ شاعر جوش ملیح آبادی ہے۔

 

[مہدی نقوی حجاز]

بہت عمدہ نظم ہے۔

بہت شکریہ جناب۔

 

[خالد محمود چوہدری]

جب تمام لحظے سیاہ ہوتے ہیں
اور
وقت صفر پر آجاتا ہے

بہت خوب