انور مسعود نظم۔ پپو یار تنگ نہ کر۔ انور مسعود

[فرحت کیانی]

پپو سانوں تنگ نہ کر تُوں
بڑے ضروری کم لگے آں
سوچی پئے آں ہُن کی کریے

روٹی شوٹی کھا بیٹھے آں
لسی شسی پی بیٹھے آں
حقے دا کش لا بیٹھے آں
پونج پانجھ کے اندروں باہروں
پانڈے وی کھڑکا بیٹھے آں
سوچی پئے آں ہُن کی کریے

ویکھ لیاں نے سب اخباراں
سبھے ورقےتُھل بیٹھے آں
پڑھ بیٹھے آں سارے اکھر
سارے حرف سنا بیٹھے آں
سوچی پئے آں ہُن کی کریے

کیسے کیسے اسلحے بن گئے
وڈے وڈے مسئلے بن گئے
وڈے شہر وسا بیٹھے آں
سارا چین گنوا بیٹھے آں
سوچی پئے آں ہُن کی کریے

رزق، سیاست ، عشق کوِتا
کُجھ وی خالص رہن نہ دِتا
ساری کیڈھ ونجا بیٹھے آں
دودھ وچ سرکہ پا بیٹھے آں
سوچی پئے آں ہُن کی کریے

جی کردا سی ووٹاں پائیے
مارشل لاء توں جاں چھڈائیے
ووٹاں شوٹاں پا بیٹھے آں
اے جمہوری رولا رَپا
کنے سال ہنڈا بیٹھے آں
سوچی پئے آں ہُن کی کریے

سودا کوئی پجھدا ناہیں
کوئی رستہ سُجھدا ناہیں
رستے وچ آ بیٹھے آں
سوچی پئے آں ہُن کی کریے

 

[تیشہ]

مزے کی ہے فرحت

 

[فرحت کیانی]

بہت شکریہ

 

[بنگش]

چنگی نظم اے۔ اسے طرح دیاں کوششاں جاری رکھو

 

[شمشاد]

تہاڈا بہت بہت شکریہ فرحت جی۔
بہت مزہ آیا پڑھ کے۔

 

[فاروقی]

شکریہ بہت خوب...


شکریہ کر کے آپکا ادا...سوچی پے آں ہون کی کریئے....

 

[فرخ منظور]

چنگی نظم اے فرحت- بُہت شکریہ - انور صاحب دی کتاب "میلہ اکھیاں دا" توں وی کچ پوسٹ کرو -

 

[فرحت کیانی]

چنگی نظم اے فرحت- بُہت شکریہ - انور صاحب دی کتاب "میلہ اکھیاں دا" توں وی کچ پوسٹ کرو -

شکریہ سخنور۔ انشاءاللہ جلدی کج پوسٹ کراں گی

 

[فرحت کیانی]

مزے کی ہے فرحت

چنگی نظم اے۔ اسے طرح دیاں کوششاں جاری رکھو

تہاڈا بہت بہت شکریہ فرحت جی۔
بہت مزہ آیا پڑھ کے۔

شکریہ بہت خوب...


شکریہ کر کے آپکا ادا...سوچی پے آں ہون کی کریئے....

انتخاب پسند کرن لئی سب دا بہت بہت شکریہ

 

[محمد یعقوب آسی]

امبڑی

انور مسعود ہوراں دی کتاب ’’میلہ اکھیاں دا‘‘ وچ اک نظم اے ’’امبڑی‘‘۔ کسے سجن کول کتاب ہووے تے ایہ نظم ایتھے پوسٹ کر دیوے۔ بڑی مہربانی! ۔

 

[حسیب نذیر گِل]

انور مسعود وی کمال ای کر دیندا وا۔شکریہ ونڈن دا