نظم ۔ آندھی ۔۔۔ از ۔۔۔ نذیر احمد شیخ

[محمداحمد]

نذیر احمد شیخ کی ایک خوبصورت نظم "آندھی" بشکریہ محترم نصیر احمد صاحب یہاں پیش کی جا رہی ہے ۔ نصیر صاحب کی تحریر سے پتہ چلتا ہے کہ نذیر احمد شیخ مزاحیہ شاعر تھے اور "حرفِ بشاش" کے نام سے اُن کی ایک کتاب بھی شائع ہوئی۔

نذیر احمد شیخ صاحب کی کہ یہ نظم اپنی سلاست اور روانی کے اعتبار سے لاجواب ہے۔ آندھی کا جو نقشہ شاعرِ موصوف نے کھینچا ہے اور جس بے ساختگی سے یہ خوش آہنگ نظم بُنی گئی ہے وہ اپنی مثال آپ ہے۔ ساتھ ساتھ یہ نظم آج کے دور سے کچھ پرے اُس زمانے کی ہے جب زندگی کی بیشتر سہولیات تک اکثریت کی رسائی نہیں تھی لیکن زندگی تب زیادہ خوبصورت تھی۔

آندھی
نظم

کھڑکی کھڑکے، سرکی سرکے، پھڑکے روشن دان
ناکہ بندی کرتے کرتے سب گھر ریگستان

جھاڑو جھاڑن موج منائیں اُن کا اپنا راج
پیپا بیٹھا ڈھول بجائے کتھک ناچے چھاج

درہم برہم سب تصویریں، طُرفہ تر احوال
مرزا غالب اُلٹے لٹکے، سجدے میں اقبال

ایک بگولہ سب سے اولیٰ، بھوتوں کا سردار
لوٹ پلٹ کر پڑھتا جائے دنیا کے اخبار

سُنتے سُنتے شور شرابا کانوں کا یہ حال
بیگم اپنی شال منگائے نوکر لائے ڈال

اُڑتی پھرتی جھاڑی پکڑے لوگوں کی شلوار
جب تک وہ شلوار چُھڑائیں رخصت ہو دستار

چھجے نے جب جھٹکا کھا کر دھڑ سے پھینکی اینٹ
مٹکے کا وہ جھٹکا دیکھا سر سے گزری چھینٹ

پیڑوں کے جب ٹہنے ٹوٹے سب کی ٹوٹی آس
اُپلے چھت سے فوراً کودے سیدھے چولہے پاس

نذیر احمد شیخ
​

بشکریہ نصیر احمد صاحب

 

[محمد حفیظ الرحمٰن]

واہ جناب محمداحمد صاحب ۔ کیا شاندار چیز عنایت فرمائی ہے۔ مزا آ گیا۔ بےحد شکریہ جناب آپ کا بھی اور نصیر احمد صاحب کا بھی۔ نذیر احمد شیخ صاحب تو بڑے اچھےشاعر لگے۔ اگر ان کا مزید کلام دستیاب ہو تو ضرور عنایت فرمایئے گا۔

 

[محمداحمد]

واہ جناب محمداحمد صاحب ۔ کیا شاندار چیز عنایت فرمائی ہے۔ مزا آ گیا۔ بےحد شکریہ جناب آپ کا بھی اور نصیر احمد صاحب کا بھی۔ نذیر احمد شیخ صاحب تو بڑے اچھےشاعر لگے۔ اگر ان کا مزید کلام دستیاب ہو تو ضرور عنایت فرمایئے گا۔

بہت شکریہ حفیظ الرحمٰن صاحب،

واقعی نمونہء کلام دیکھ کر مزید کلام دیکھنے کی خواہش ہوتی ہے۔

خوش رہیے۔

 

[نیرنگ خیال]

واہ۔۔۔ لاجواب انتخاب۔ شکریہ سئیں۔

 

[امجد میانداد]

واہ، جناب۔
کیا انداز ہے اور کیا منظوم کیا ہے۔

 

[نویدظفرکیانی]

لیکن یہ مکمل نظم نہیں ہے۔

 

[نظام الدین]

واہ۔۔۔۔۔ بہت خوب جناب

 

[محمداحمد]

واہ۔۔۔ لاجواب انتخاب۔ شکریہ سئیں۔

واہ، جناب۔
کیا انداز ہے اور کیا منظوم کیا ہے۔

واہ۔۔۔۔۔ بہت خوب جناب

بہت شکریہ

 

[محمداحمد]

لیکن یہ مکمل نظم نہیں ہے۔

ظفر بھائی ! کیا مکمل نظم دستیاب ہے؟

 

[عبد الرحمن]

واہ ! بہت خوب انتخاب ہے احمد بھائی!

لیکن نظم سے زیادہ آپ کی لکھی ہوئی ڈھائی سطروں نے متاثر کیا۔

 

[نویدظفرکیانی]

جی ۔۔۔۔۔ اُن کی کتاب "حرف بشاش" میں یہ نظم موجود ہے۔۔۔۔۔ میں کسی دن اسے مکمل کر دوں گا۔۔۔۔۔ انشاء اللہ۔

 

[محمداحمد]

واہ ! بہت خوب انتخاب ہے احمد بھائی!

لیکن نظم سے زیادہ آپ کی لکھی ہوئی ڈھائی سطروں نے متاثر کیا۔

بہت شکریہ بھائی ۔۔۔۔!

نظم مجھے ایسی اچھی لگی کہ دل چاہا کہ اس کے ساتھ اپنے جذبات بھی ڈھائی سطروں (احاطہء تحریر) میں لے آؤں۔

خوش رہیے۔

 

[محمداحمد]

جی ۔۔۔۔۔ اُن کی کتاب "حرف بشاش" میں یہ نظم موجود ہے۔۔۔۔۔ میں کسی دن اسے مکمل کر دوں گا۔۔۔۔۔ انشاء اللہ۔

بہت شکریہ نوید ظفر بھائی ! انتظار رہے گا۔

حرفِ بشاش سے مزید کوئی انتخاب بھی آپ پیش کرنا چاہیں تو وہ بھی ضرور کریں۔

 

[عامر منیر]

ممتاز مفتی کی کسی تحریر میں اس نظم کے چند اشعار نظر سے گزرے تھےجس میں انہوں نے ان اشعار کو معاشرتی انتشار پر منطبق کیا تھا۔ ٹھیک سے یاد نہیں، شاید ان کی کتاب "تلاش" میں تھے ۔ویسے میں زیادہ علامتی نکتہ آرائیوں کا قائل نہیں لیکن میرا خیال ہے کہ اس نظم کو علامتی اعتبار سے اب بھی ہمارے معاشرے کی کیفیت پر اسی طرح منطبق کیا جا سکتا ہے۔ پڑھ کر لطف آ گیا۔ مکمل نظم ضرور پوسٹ کیجئے گا۔

 

[عبد الرحمن]

بہت شکریہ بھائی ۔۔۔۔!

نظم مجھے ایسی اچھی لگی کہ دل چاہا کہ اس کے ساتھ اپنے جذبات بھی ڈھائی سطروں (احاطہء تحریر) میں لے آؤں۔

خوش رہیے۔

جزاک اللہ! آپ بھی ہیپی رہیے!

 

[نویدظفرکیانی]

ویسے یہ نظم غالبا” چٹھی جماعت کی اُردو کی کتاب میں بھی موجود ہے۔

 

[محمداحمد]

ویسے یہ نظم غالبا” چٹھی جماعت کی اُردو کی کتاب میں بھی موجود ہے۔

ویسے ہمیں تو یاد نہیں پڑتا کہ ہم نے نصابی کتب میں یہ نظم پڑھی ہو۔

کیا کہتے ہیں شائقینِ شعبہ بیچ اس مسئلے کے۔

سید شہزاد ناصر
سید عاطف علی

 

[محمد بلال اعظم]

واہ احمد بھائی
آپ کا انتخاب اور آپ کا تبصرہ دونوں پہ کمال کرتے ہیں۔
اب تو مکمل نظم کا بھی انتظار رہے گا۔

 

[bilal260]

محمد احمد صاحب زبردست بہت اچھی شاعری ہے ۔

 

[نویدظفرکیانی]

ہمارے زمانے میں تو شائد نہیں تھی لیکن میرے بیٹے کی چھٹی کی اُردو کی کتاب میں یہ نظم موجود ہے۔