نعتِ رسولﷺ

[ارشد چوہدری]

بحر جمیل مربع سالم
( مفاعلاتن مفاعلاتن )
۔۔۔۔۔۔۔۔۔۔۔۔۔۔۔۔۔
بہت پیارا نبی ہمارا
ہے عاصیوں کا وہی سہارا
۔۔۔۔۔۔۔۔۔۔۔۔۔۔۔۔۔۔۔۔۔
ہے اُن کی عزّت جہاں سے بڑھ کر
نثار اُن پر ہے دل ہمارا
۔۔۔۔۔۔۔۔۔۔
خدا نے کی ہے یہ ہم پہ رحمت
بنا کے رحمت اُنہیں اتارا
۔۔۔۔۔۔۔۔۔۔۔۔۔۔۔۔۔۔۔۔
نثار ان پر ہے جاں ہماری
کریں گےتوہیں نہ ہم گوارا
۔۔۔۔۔۔۔۔۔۔۔۔۔۔۔۔۔۔۔۔۔
اُنہیں کا صدقہ ملے گی جنّت
بغیر ان کے نہیں ہے یارا
۔۔۔۔۔۔۔۔۔۔۔۔۔۔۔۔۔۔۔۔۔۔
ہمیں ہیں محبوب جان سےبھی
اُنہیں کا عاشق جہان سارا
۔۔۔۔۔۔۔۔۔۔۔۔۔۔۔۔۔۔۔۔
نثار ارشد کی جان اُن پر
ملا ہمیں ہے نبی پیارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

بہت پیارا نبی ہمارا
ہے عاصیوں کا وہی سہارا
۔۔۔۔۔۔۔۔۔۔۔۔۔۔۔۔۔۔۔۔۔ پیارا کا تلفظ؟

ہے اُن کی عزّت جہاں سے بڑھ کر
نثار اُن پر ہے دل ہمارا
۔۔۔۔۔۔۔۔۔۔ درست

خدا نے کی ہے یہ ہم پہ رحمت
بنا کے رحمت اُنہیں اتارا
۔۔۔۔۔۔۔۔۔۔۔۔۔۔۔۔۔۔۔۔ درست

نثار ان پر ہے جاں ہماری
کریں گےتوہیں نہ ہم گوارا
۔۔۔۔۔۔۔۔۔۔۔۔۔۔۔۔۔۔۔۔۔ سمجھ میں نہیں آتا

اُنہیں کا صدقہ ملے گی جنّت
بغیر ان کے نہیں ہے یارا
۔۔۔۔۔۔۔۔۔۔۔۔۔۔۔۔۔۔۔۔۔۔ ٹھیک

ہمیں ہیں محبوب جان سےبھی
اُنہیں کا عاشق جہان سارا
۔۔۔۔۔۔۔۔۔۔۔۔۔۔۔۔۔۔۔۔ دو لخت ہے، دوسرا مصرع حقیقت نہیں

نثار ارشد کی جان اُن پر
ملا ہمیں ہے نبی پیارا
۔۔۔۔۔۔۔۔۔۔۔۔۔۔۔۔۔ وہی پیارا کی غلطی
جو پیار کے بارے میں کہتا ہوں وہی پیارا پر بھی لاگو ہوتا ہے 'پارا' تقطیع ہونا چاہیے

 

[ارشد چوہدری]

اصلاح کے بعد
۔۔۔۔۔۔۔۔۔۔۔۔۔۔۔۔۔۔
سبھی سے اعلی نبی ہمارا
ہے عاصیوں کا وہی سہارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہے اُن کی عزّت جہاں سے بڑھ کر
نثار ان پر ہے دل ہمارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خدا نے کی ہے یہ ہم پہ رحمت
بنا کے رحمت اُنہیں اتارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نثار اُن پر ہے جاں ہماری
کریں گے توہیں نہ ہم گوارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اُنہیں کا صدقہ ملے گی جنّت
بغیر اُن کے نہیں ہے یارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اُنہیں کی خاطر بنی ہے دنیا
نبی کا صدقہ جہان سارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نثار ارشد کی جان ان پر
مجھے تو خود سے بھی ہے وہ پیارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ------ کریں گے توہیں نہ ہم گوارا) آئے دن کفّار جو آقا ﷺ کی شان میں گستاخی کرتے ہیں --- یہ اُس طرف اشارہ ہے

 

[ارشد چوہدری]

الف عین

 

[الف عین]

نثار اُن پر ہے جاں ہماری
کریں گے توہیں نہ ہم گوارا
توہین کو 'توہیں' بنا دینا غلط تو نہیں لیکن کوئی تو.. ہیں بھی سمجھ سکتا ہے. خود میں نے پہلے 'تو ہیں' پڑھا! ! اس مصرع کو یوں کہیں تو؟
کریں نہ توہین ہم گوارا
'ان کی' کی کمی پھر بھی رہ جاتی ہے
پورا شعر
نثار ان پر ہے جاں، کریں گے
نہ ان کی توہین ہم گوارا
باقی اشعار درست ہیں