محمد تابش صدیقی
منتظم
اے عشقِ جنوں پرور! پھر سوئے حرا لے چل
اس خاکِ پریشاں کے ذروں کو اڑا لے چل
کشتی مری آسوں کی اے سیلِ بلا لے چل
پتوار نہیں اس کی، موجوں پہ بہا لے چل
حالات کے قیدی کو، اے سوزِ دعا لے چل
از بہرِ خدا چل، تا شہرِ ہدیٰ لے چل
ملتی ہے جہاں اے غم، ہر غم کی دوا لے چل
تا کوہِ صفا لے چل، یا سُوئے قبا لے چل
اس فصلِ بہاراں کی دیتا ہوں قسم تجھ کو
خوشبو کی طرح مجھ کو اے بادِ صبا لے چل
اے عشقِ محمدؐ اب اتنی سی تمنا ہے
باطل کے طلسموں سے ایماں کو بچا لے چل
ہاں، اے سبقِ "اقراء"! باں اے ”سفرِ اسراء“
جنت سے گرا ہوں میں، پستی سے اٹھا لے چل
اے دینِ براہیمیؑ! پھر دورِ بتاں آیا
آ ہم کو بچا لے چل! خود ساتھ لِوا لے چل
میخانے ہی میخانے! میخانوں میں بت خانے
یا رب ! مرے سجدوں کو لٹنے سے بچا لے چل
فرقت ہی میں جینا ہے، جیتے ہوئے گھلنا ہے
اے پَیکِ قضا مجھ کو، جینے سے چھڑا لے چل
رزمِ حق و باطل نے کھولا دیا خوں میرا
اے دل مجھے اب سُوئے میدانِ وغا لے چل
نغماتِ حدی خواں کی موجوں ہی پہ بہہ نکلوں
ہاں ساتھ مجھے اپنے اے سیلِ نوا لے چل
اے میرے خیالوں کی پرواز اڑا مجھ کو
اے میرے ہی نالوں کی پُرسوز نوا لے چل
٭٭٭
نعیم صدیقیؒ
اس خاکِ پریشاں کے ذروں کو اڑا لے چل
کشتی مری آسوں کی اے سیلِ بلا لے چل
پتوار نہیں اس کی، موجوں پہ بہا لے چل
حالات کے قیدی کو، اے سوزِ دعا لے چل
از بہرِ خدا چل، تا شہرِ ہدیٰ لے چل
ملتی ہے جہاں اے غم، ہر غم کی دوا لے چل
تا کوہِ صفا لے چل، یا سُوئے قبا لے چل
اس فصلِ بہاراں کی دیتا ہوں قسم تجھ کو
خوشبو کی طرح مجھ کو اے بادِ صبا لے چل
اے عشقِ محمدؐ اب اتنی سی تمنا ہے
باطل کے طلسموں سے ایماں کو بچا لے چل
ہاں، اے سبقِ "اقراء"! باں اے ”سفرِ اسراء“
جنت سے گرا ہوں میں، پستی سے اٹھا لے چل
اے دینِ براہیمیؑ! پھر دورِ بتاں آیا
آ ہم کو بچا لے چل! خود ساتھ لِوا لے چل
میخانے ہی میخانے! میخانوں میں بت خانے
یا رب ! مرے سجدوں کو لٹنے سے بچا لے چل
فرقت ہی میں جینا ہے، جیتے ہوئے گھلنا ہے
اے پَیکِ قضا مجھ کو، جینے سے چھڑا لے چل
رزمِ حق و باطل نے کھولا دیا خوں میرا
اے دل مجھے اب سُوئے میدانِ وغا لے چل
نغماتِ حدی خواں کی موجوں ہی پہ بہہ نکلوں
ہاں ساتھ مجھے اپنے اے سیلِ نوا لے چل
اے میرے خیالوں کی پرواز اڑا مجھ کو
اے میرے ہی نالوں کی پُرسوز نوا لے چل
٭٭٭
نعیم صدیقیؒ
