نعت برائے اصلاح

[Muhammad Ishfaq]

فعولن فعولن فعولن فعولن

شمعِ محمدﷺ

جہاں میں فروزاں ہے شمعِ محمد
مرے دل میں تاباں ہے شمعِ محمد

رہے گی ہمہ وقت رحمت خدا کی
جہاں پر درخشاں ہے شمعِ محمد

رہیں گے منور زمین و زماں یہ
چراغاں چراغاں ہے شمعِ محمد

جہنم کی آتش نہ اس کو لگے گی
کہ جس دل میں سوزاں ہے شمعِ محمد

عرب کی فضاؤں پہاڑوں سے نکلی
خراماں خراماں ہے شمعِ محمد

یہ اشفاق لائی ہے دنیا جہاں میں
ہدایت کا ساماں ہے شمعِ محمد

 

[الف نظامی]

ٹیگ کرنے کا طریقہ:
جس مراسلے میں آپ پیغام لکھتے ہیں، اسی میں @ کے بعد رکن کا نام لکھیں۔

 

[الف عین]

اوہو، اشفاق سرچنگ کے ٹیگ لگا رہے ہیں، میں اس طرف دیکھتا ہی نہیں، البتہ اصلاح کا لفظ ہی عنوان میں ہو تو خود ہی پہنچ جاتا ہوں یہاں!
پہلی بات، یہ سیدھی سادی نعت ہے اور اسے نعت ہی کہو، عنوان دے کر نظم مت بناؤ
چراغاں، ساماں اور خراماں قوافی کے اشعار درست نہیں۔ شمع محمد کے ساتھ ہے جب لگایا جا رہا ہے تو اس کے ساتھ خراماں اور چراغاں نہیں آ سکتے۔ ہاں ہدایت کا ساماں درست ہے لیکن اس کا پہلا مصرعہ درست نہیں کہ یہ پتہ نہیں چلتا کہ ہدایت ہی لائی ہے یا کچھ اور!

 

[Muhammad Ishfaq]

ٹیگ کرنے کا طریقہ:
جس مراسلے میں آپ پیغام لکھتے ہیں، اسی میں @ کے بعد رکن کا نام لکھیں۔

جی ٹھیک ہے۔