نعت برائے اصلاح

[محمد فائق]

خلد سے بڑھ کر کوئی منظر نہیں
بات یہ صادق مدینے پر نہیں

روضہ ء خیرالوری ص ہے سامنے
اب کوئی تکلیف چارہ گر نہیں

ایک بے سایہ کا سایہ سر پہ ہے
کچھ زمانے کی تپش کا ڈر نہیں

کیوں نہ خاکِ طیبہ کو سرمہ کریں
اس سے بہتر آنکھ کا زیور نہیں

جی حضوری کے لیے جبریل ہے
کون جو سرکار ص کا نوکر نہیں

ہے کلامِ حق کلامِ مصطفی ص
یہ کسی کی بات میں جوہر نہیں

آپ ص کی ہے ذاتِ اقدس بے نظیر
آپ ص کا کونین میں ہمسر نہیں

آپ ص کے جیسا کسی کا در کہاں
اس پہ جو سر خم نہ ہو وہ سر نہیں

چاند، سورج، کُل نظامِ کائنات
دسترس سے آپ ص کی باہر نہیں

ذرہ ذرہ جس کا کلمہ گو ہوا
آپ ص کی مانند پیغمبر نہیں

حشر ہوگا ان کا فائق! حشر میں
جو غلامِ شافعِ محشر ص نہیں
سید محمد فائق

 

[محمد فائق]

الف عین سر

 

[الف عین]

تکنیکی طور پر تو کوئی سقم نظر نہیں آتا

 

[محمد فائق]

تکنیکی طور پر تو کوئی سقم نظر نہیں آتا

رہنمائی کے لیے شکریہ سر

 

[عامر گولڑوی]

معذرت محترم مغالطہ

 

[محمد عبدالرؤوف]

ذرہ ذرہ جس کا کلمہ گو ہوا ۔۔۔ بے وزن ہے
لفظ ک ل مہ ہوتا ہے نہ کہ کل مہ
آپ کی مانند پیغمبر نہیں ۔۔۔۔ بے وزن ہے
مانند ۔۔۔ ماں ند ہے نہ کہ ما نن د

آپ کا رتبہ بتاتا ہے خدا
آپ جیسا کوئی پیغمبر نہیں

عامر صاحب، دونوں لفظ صحیح استعمال کیے گئے ہیں۔
کَلِمہ اور کَلْمہ دونوں طرح سے استعمال ہوتا ہے اور مانند تو بالکل درست ہی استعمال ہوا ہے۔

 

[عامر گولڑوی]

بہت شکریہ محترم۔۔
سلامت رہیں