محمد تابش صدیقی
منتظم
ترا جادوئے تکلم کہ گھٹائیں جھوم جائیں
ترا فیضِ یک تبسم کہ فضائیں جگمگائیں
ترے خُلق سے گلوں میں ہے تمام رنگ و نکہت
مہ و مہر اپنی شمعیں ترے نور سے جلائیں
تو اٹھے بہ صبح گاہی تو کھلے افق کا چہرہ
تو گرے بہ سجدۂ شب تو ستارے مسکرائیں
کہاں دلنواز تجھ سا، کہاں چاره ساز تجھ سا
کسے کربِ جاں بتائیں؟ کسے حالِ دل سنائیں؟
یہ سبک سبک ہوائیں! یہ جھکی جھکی گھٹائیں
پڑھیں صد سلام تجھ پر، تری یاد پھر منائیں
بڑی لالہ بار صبحیں، بڑی سحر کار شامیں
کوئی نغمہ تازہ چھیڑیں، کوئی لَے نئی اٹھائیں
کئی سال کے غموں سے جسے بوند بوند کھینچا
نئے لمحۂ طرب میں اسی مَے کے خم لنڈھائیں
٭٭٭
نعیم صدیقیؒ
ترا فیضِ یک تبسم کہ فضائیں جگمگائیں
ترے خُلق سے گلوں میں ہے تمام رنگ و نکہت
مہ و مہر اپنی شمعیں ترے نور سے جلائیں
تو اٹھے بہ صبح گاہی تو کھلے افق کا چہرہ
تو گرے بہ سجدۂ شب تو ستارے مسکرائیں
کہاں دلنواز تجھ سا، کہاں چاره ساز تجھ سا
کسے کربِ جاں بتائیں؟ کسے حالِ دل سنائیں؟
یہ سبک سبک ہوائیں! یہ جھکی جھکی گھٹائیں
پڑھیں صد سلام تجھ پر، تری یاد پھر منائیں
بڑی لالہ بار صبحیں، بڑی سحر کار شامیں
کوئی نغمہ تازہ چھیڑیں، کوئی لَے نئی اٹھائیں
کئی سال کے غموں سے جسے بوند بوند کھینچا
نئے لمحۂ طرب میں اسی مَے کے خم لنڈھائیں
٭٭٭
نعیم صدیقیؒ
