نعت

[الف عین]

نعت
مصحف اقبال توصیفی

اونٹنی پر
حلیمہ چلی
تو روشن ہوئی شہرِ مکّہ کی اک ایک گلی
خیاباں خیاباں
کھجوروں کے پیڑوں میں سروِ چراغاں جگاتی ہوئی
ٹوٹ کر گر پڑے سارے بت
سارے لات و منات
سب نے دیکھا
حلیمہ کی چادر سے
عجب نور چھنتا ہوا
اور اس پر لکھا
ایک نامِ جلی
۔۔۔۔۔
ایک نامِ جلی
دشت میں
کوہ پر
اوج میں، خاک میں
ابر میں، باد پر
ایک نامِ جلی
محمّد۔۔۔۔
محمّد۔۔۔۔۔۔
محمّد۔۔۔۔۔۔
۔۔۔۔۔۔
محمّد کو لے کر
اونٹنی پر
حلیمہ چلی
تو روشن ہوئی شہرِ مکّہ کی اک ایک گلی

 

[الف نظامی]

سبحان اللہ۔

 

[دوست]

اچھی لگی۔

 

[جاسمن]

کتنی نازک سی پیاری سی نعت ہے۔ صدقے!
سبحان اللہ! کیا پیارا خیال ہے!

 

[اکمل زیدی]

نعت کہاں ہے ..؟؟