نمکین غزل:ہوئے آج گم ، جسم و جاں آتے آتے:از: محمد خلیل الرحمٰن

[محمد خلیل الرحمٰن]

غزل​

​

ہوئے آج گم ،جسم و جاں آتےآتے​

یہ حالت ہوئی کب یہاں آتے آتے​

​

غزل داغ کی ہم نے سرقہ تو کرلی​

خیالات اُلجھے کہاں آتے آتے​

​

حسیں کم سنوں کی کہانی سنائیں؟​

جنھیں’’آئیں گی شوخیاں آتے آتے‘‘​

​

اسی کام میں جوتیاں گھس گئی ہیں​

’’وہاں جاتے جاتے، یہاں آتے آتے‘‘​

​

تردّد کے بعد آئے عاشق کے در پہ​

کہ آڑے تھیں مجبوریاں آتے آتے​

​

تعارف نے کچھ اس طرح طول کھینچا​

ہمیں سوگئے درمیاں آتے آتے​

​

خلیل اپنی تقدیر کو دوش کیا دیں​

زمانہ ہی بدلا یہاں آتے آتے​

​

’’ابھی سِن ہی کیا ہے، بیباکیاں کیا‘‘(داغ)​

 

[محمد وارث]

یہ بھی خوب ہے خلیل صاحب

 

[محمد خلیل الرحمٰن]

یہ بھی خوب ہے خلیل صاحب

آداب عرض ہے محمد وارث صاحب! ہم نے اتنی قیمتی داد آج چار سال بعد جناب یوسف سلطان کی مہربان ریٹنگ کے بعد ہی دیکھی۔ سدا خوش رہیے جناب۔

 

[ظہیراحمدظہیر]

غزل داغ کی ہم نے سرقہ تو کرلی
خیالات اُلجھے کہاں آتے آتے
اسی کام میں جوتیاں گھس گئی ہیں
’’وہاں جاتے جاتے، یہاں آتے آتے‘‘
​

کیا بات ہے خلیل بھائی ! دوسرا والا تو کلاسیک ہے!!!

آرے سے گئے نوح تو نارے آئے
نارے سے گئے نوح تو آرے آئے

​

 

[محمد خلیل الرحمٰن]

غزل داغ کی ہم نے سرقہ تو کرلی
خیالات اُلجھے کہاں آتے آتے
اسی کام میں جوتیاں گھس گئی ہیں
’’وہاں جاتے جاتے، یہاں آتے آتے‘‘
​

کیا بات ہے خلیل بھائی ! دوسرا والا تو کلاسیک ہے!!!

آرے سے گئے نوح تو نارے آئے
نارے سے گئے نوح تو آرے آئے

​

آداب عرض ہے ظہیراحمدظہیر بھائی۔ خوش رہیے

 

[محمد تابش صدیقی]

بہت خوب خلیل بھائی۔ کیا کہنے۔

اسی کام میں جوتیاں گھس گئی ہیں
’’وہاں جاتے جاتے، یہاں آتے آتے‘‘​

تعارف نے کچھ اس طرح طول کھینچا
ہمیں سوگئے درمیاں آتے آتے​

خلیل اپنی تقدیر کو دوش کیا دیں
زمانہ ہی بدلا یہاں آتے آتے​

 

[محمد خلیل الرحمٰن]

بہت خوب خلیل بھائی۔ کیا کہنے۔

آداب ۔ کیا بات ہے صاحب آپ ہماری غزل پڑھ رہے تھے اور ہم آپ کے دادا حضور کی خوبصورت غزل میں محو تھے اور اسے ترنم سے پڑھنے کی سعی کررہے تھے۔ ساتھ ہی سوچتے تھے کہ آپ ایک جانب تو تو کہتے ہیں کہ شاعر نہیں دوسری جانب اس قدر خوبصورت پسند ۔ اب علم ہوا۔ اللہ آپ کے دادا حضور کو کروٹ کروٹ جنت نصیب فرمائے، کیا خوبصورت شاعری ہے۔ مزے دار مزےدار

 

[محمد تابش صدیقی]

آداب ۔ کیا بات ہے صاحب آپ ہماری غزل پڑھ رہے تھے اور ہم آپ کے دادا حضور کی خوبصورت غزل میں محو تھے اور اسے ترنم سے پڑھنے کی سعی کررہے تھے۔ ساتھ ہی سوچتے تھے کہ آپ ایک جانب تو تو کہتے ہیں کہ شاعر نہیں دوسری جانب اس قدر خوبصورت پسند ۔ اب علم ہوا۔ اللہ آپ کے دادا حضور کو کروٹ کروٹ جنت نصیب فرمائے، کیا خوبصورت شاعری ہے۔ مزے دار مزےدار

آمین۔ جزاک اللہ ، خلیل بھائی۔ سراسر محبت ہے آپ کی۔

 

[جاسمن]

بہت خوب!
تردد کے بعد آئے دھاگے پہ اُن کے
بڑی دیر کی مہرباں آتے آتے

 

[حمیرا عدنان]

بہت خوب انکل جی مزا آگیا

 

[ہادیہ]

خلیل اپنی تقدیر کو دوش کیا دیں
زمانہ ہی بدلا یہاں آتے آتے
واہ۔بہت عمدہ​