کاشفی
محفلین
نوحہ: بیادِ غالب
(از: میر مہدی مجروح)
کیوں نہ ویراں ہو دیارِ سخن
مر گیا آج تاجدارِ سخن
بلبلِ خوش ترانہء معنی
گل رنگیں و شاخسارِ سخن
نخل بندِ حدیقہء مضموں
تازگی بخش لالہ زارِ سخن
عرصہء نظم کیوں نہ ہو ویراں
ہے عناں کش وہ شہسوار سخن
کیوں نہ حرفوں کا ہو لباس سیاہ
ہے غم مرگِ شہر یار سخن
ساتھ ان کے گئی سخن سنجی
اُن کا مرقد ہی ہے مزارِ سخن
آبیاری تھی جس سے وہ نہ رہا
اب خزاں ہوگئی بہارِ سخن
نغمہ پیرائیاں کہاں ویسی
اب یہ ہے نالہ ہائے زارِ سخن
رشکِ عرفی و فخر طالب مُرد
اسد اللہ خان غالب مُرد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شہد گویا بھرا دہاں میں تھا
کیا مزا آپ کے بیاں میں تھا
وصف اس جا بیاں سے باہر ہے
لطف جو طبع نکتہ داں میں تھا
ہند میں رہ کے رشکِ ایراں ہو
وصف حضرت کی جو زباں میں تھا
ہم تو خدمت میں آپ کی خوش تھے
چرخ پر فکر امتحاں میں تھا
سر پہ سایہ یوں ہی رہے گا سدا
دلِ ناداں اسی دھیاں میں تھا
وہی گلچیں مرگ نے توڑا
پھول یکتا جو گلستاں میں تھا
اُن کی روز وفات دہلی میں
یہی مذکور دوستاں میں تھا
رشکِ عرفی و فخر طالب مُرد
اسد اللہ خان غالب مُرد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھے نظامی سے نظم میں ہمسر
فوق تھا نثر میں ظہوری پر
اُس کا ثانی نہ اس کا کوئی نظیر
ایک سے ایک ہے غرض بہتر
کون تسکیں فضائے خاطر ہو
سخت بے چین ہے دلِ مضطر
یار کرتے ہیں صبر کی تلقین
ظلم ہے جان نا شکیبا پر
آپ کے پاؤں تو نہ چلتے تھے
طے یہ راہ دراز کی کیوں کر
آتش غم کی ہے بھڑک ویسی
کام آئے نہ اپنے دیدہء تر
اب تو دیدار کو دکھا دیجے
میرے نالوں سے ہے بپا محشر
کون سنتا ہے اب کسی کی بات
آج کل تو یہ شور ہے گھر گھر
رشکِ عرفی و فخر طالب مُرد
اسد اللہ خان غالب مُرد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اہل دہلی کی تھی بری تقدیر
جو اٹھا یاں سے ایسا با توقیر
ایسے پھر صاحب کمال کہاں
ہے یہ فضل و ہنر کا دورِ اخیر
نظم اُردو سے ٹپکی پڑتی ہے
وہ جو ہے طرز خاصِ حضرت میر
اور دیوانِ فارسی ان کا
ہے نظیری کی فکر کا وہ نظیر
اُن کی دوری میں دیکھ لے مجھ کو
جس نے دیکھی نہ غم کی ہو تصویر
اضطرابِ مدام بد ہے مگر
دل پہ قابو نہ ہو تو کیا تدبیر
باغ فضل و ہنر کو خالی دیکھ
نالہ زن یوں ہے بلبل دلگیر
رشکِ عرفی و فخر طالب مُرد
اسد اللہ خان غالب مُرد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ان کی شفقت جو یاد آتی ہے
چشم دریائے خوں بہاتی ہے
کل نہ تھی جس جگہ کہ بے جائے
وہی جا اب تو کاٹے کھاتی ہے
یوں تو سنسان ہے مکاں سارا
آہ پر شور و غل مچاتی ہے
بے قراری کا زور مت پوچھو
صبر کی دھجیاں اڑاتی ہے
کون آتا ہے بہر پرسش حال
ہاں غشی غم سے آئے جاتی ہے
ان کی دوری میں ہے یہ بدمزگی
کہ نہیں زیست اپنی بھاتی ہے
یہ انہیں کا مزار ہے شاید
یاں سے کچھ بوئے الفت آتی ہے
کان دھر کر جدھر سے سنتے ہیں
یہ ندا آ کے غم بڑھاتی ہے
رشکِ عرفی و فخر طالب مُرد
اسد اللہ خان غالب مُرد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایک جاں اور لاکھ کاہش غم
ایک دل اور ہزار رنج و الم
ہاں وڑیڑا ہو چشم طوفاں ریز
آنسو آنے لگے ہیں کیوں تھم تھم
ہے ہر ایک شہر اور قریہ میں
اس عدیم النظیر کا ماتم
روئے شادی کبھی نہ دیکھیں گے
اپنے حرماں جاوداں کی قسم
جس پہ گزرے وہی یہ جانتا ہے
غم ہجراں ہے کس غضب کا ستم
کہیں اس درد کا نہیں درماں
کہیں اس زخم کا نہیں مرہم
بد ہے دوری اگرچہ ہو دم بھر
زہر ہے زہر بیش ہو یا کم
مجھ سے پرساں ہے اس مصیبت کا
تجھ کو معلوم کیا نہیں ہمدم
رشکِ عرفی و فخر طالب مُرد
اسد اللہ خان غالب مُرد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جب کہ آنکھوں سے وہ نہاں ہو جائے
کیوں نہ دم سینہ میں سناں ہو جائے
چونک اٹھیں خواب مرگ سے حضرت
اس قدر شور اے فغاں ہو جائے
بلبل باغ فضل ہے خاموش
چپ نہ کیوں مرغ صبح خواں ہو جائے
مہر معنی ہے خاک میں پنہاں
کیوں نہ تاریک سب جہاں ہو جائے
جوش میں خون دل ہے ہاں اے غم
ریزش چشم خوں فشاں ہو جائے
لب پہ رہتی ہے آہ چرخ شکن
کہیں ٹکڑے نہ آسماں ہو جائے
نالہ ہو یا کہ آہ یا گریہ
آج ان سب کا امتحاں ہو جائے
یوں تو چپ بیٹھنا نہیں اچھا
دل پر درد کچھ بیاں ہو جائے
رشکِ عرفی و فخر طالب مُرد
اسد اللہ خان غالب مُرد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کون دیتا ہے یاں کسی کی داد
تم کئے جاؤ نالہ و فریاد
کیا شریفوں کی قدر ہو اس کو
آسماں جبکہ خود ہو سفلہ نہاد
اس کو ہے اپنی کج روی سے کام
کوئی برباد ہو کہ ہو آباد
کوئی استاد فن مرے تو مرے
ہے یہ جوروستم میں خود استاد
انتقال جناب غالب نے
کردیا خانہء ادب برباد
ہائے جنگل میں اس کی قبر بنی
کاخِ معنی کی جو کہ تھا بنیاد
اس کو خضر رہ سخن سمجھو
ہے جو ان کی زبان کا ارشاد
پوچھا یہ سانحہ جو یاروں نے
بولا مجروح با دل نا شاد
رشکِ عرفی و فخر طالب مُرد
اسد اللہ خان غالب مُرد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھی جو ان کی مزاج میں تہذیب
وہ جہاں میں نہیں کسی کو نصیب
ان سے دیکھا کبھی نہ فعل عبث
اس سے آگاہ ہیں بعید و قریب
صلح کل کا رکھا تھا وہ برتاؤ
تھے وہ دشمن کی بھی نظر میں حبیب
تھی نہ اک بات لطف سے خالی
یہ بھی اک بات تھی عجیب و غریب
گفتگو میں عجب فصاحت تھی
ہوتے تھے محو جس کو سن کے ادیب
تھا ہر اک بات کا نیا انداز
ہر سخن کی تھی اک نئی ترکیب
خوش ہی جاتا تھا واں سے ہر غمگیں
تھے مگر آپ خوش دلی کے طیبب
ان کا تابوت دیکھ با حسرت
یہ ہی کہتا تھا ہر امیر و غریب
رشکِ عرفی و فخر طالب مُرد
اسد اللہ خان غالب مُرد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ان سا پیدا کہاں ہو گر سَو بار
کھائے چکر یہ چرخِ کج رفتار
تھی یہ مضمون کی دُرر ریزی
سلک گوہر تھی کلک جادو کار
ان کی رنگینیء عبارت سے
صفحہ کاغذ کا ہے بہ از گلزار
اس کلام بلیغ کو دیکھو
لفظ اندک میں معنیء بسیار
حلم طبع سلیم میں وہ تھا
چیونٹی تک کو نہ جس سے تھا آزار
گرد تابوت تھا ہجوم کثیر
اہل ماتم میں تھی یہی گفتار
جو کہ جاتے تھے ہم رہِ تابوت
یہی کہتے تھے وہ پکار پکار
رشکِ عرفی و فخر طالب مُرد
اسد اللہ خاں غالب مُرد
(از: میر مہدی مجروح)
کیوں نہ ویراں ہو دیارِ سخن
مر گیا آج تاجدارِ سخن
بلبلِ خوش ترانہء معنی
گل رنگیں و شاخسارِ سخن
نخل بندِ حدیقہء مضموں
تازگی بخش لالہ زارِ سخن
عرصہء نظم کیوں نہ ہو ویراں
ہے عناں کش وہ شہسوار سخن
کیوں نہ حرفوں کا ہو لباس سیاہ
ہے غم مرگِ شہر یار سخن
ساتھ ان کے گئی سخن سنجی
اُن کا مرقد ہی ہے مزارِ سخن
آبیاری تھی جس سے وہ نہ رہا
اب خزاں ہوگئی بہارِ سخن
نغمہ پیرائیاں کہاں ویسی
اب یہ ہے نالہ ہائے زارِ سخن
رشکِ عرفی و فخر طالب مُرد
اسد اللہ خان غالب مُرد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شہد گویا بھرا دہاں میں تھا
کیا مزا آپ کے بیاں میں تھا
وصف اس جا بیاں سے باہر ہے
لطف جو طبع نکتہ داں میں تھا
ہند میں رہ کے رشکِ ایراں ہو
وصف حضرت کی جو زباں میں تھا
ہم تو خدمت میں آپ کی خوش تھے
چرخ پر فکر امتحاں میں تھا
سر پہ سایہ یوں ہی رہے گا سدا
دلِ ناداں اسی دھیاں میں تھا
وہی گلچیں مرگ نے توڑا
پھول یکتا جو گلستاں میں تھا
اُن کی روز وفات دہلی میں
یہی مذکور دوستاں میں تھا
رشکِ عرفی و فخر طالب مُرد
اسد اللہ خان غالب مُرد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھے نظامی سے نظم میں ہمسر
فوق تھا نثر میں ظہوری پر
اُس کا ثانی نہ اس کا کوئی نظیر
ایک سے ایک ہے غرض بہتر
کون تسکیں فضائے خاطر ہو
سخت بے چین ہے دلِ مضطر
یار کرتے ہیں صبر کی تلقین
ظلم ہے جان نا شکیبا پر
آپ کے پاؤں تو نہ چلتے تھے
طے یہ راہ دراز کی کیوں کر
آتش غم کی ہے بھڑک ویسی
کام آئے نہ اپنے دیدہء تر
اب تو دیدار کو دکھا دیجے
میرے نالوں سے ہے بپا محشر
کون سنتا ہے اب کسی کی بات
آج کل تو یہ شور ہے گھر گھر
رشکِ عرفی و فخر طالب مُرد
اسد اللہ خان غالب مُرد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اہل دہلی کی تھی بری تقدیر
جو اٹھا یاں سے ایسا با توقیر
ایسے پھر صاحب کمال کہاں
ہے یہ فضل و ہنر کا دورِ اخیر
نظم اُردو سے ٹپکی پڑتی ہے
وہ جو ہے طرز خاصِ حضرت میر
اور دیوانِ فارسی ان کا
ہے نظیری کی فکر کا وہ نظیر
اُن کی دوری میں دیکھ لے مجھ کو
جس نے دیکھی نہ غم کی ہو تصویر
اضطرابِ مدام بد ہے مگر
دل پہ قابو نہ ہو تو کیا تدبیر
باغ فضل و ہنر کو خالی دیکھ
نالہ زن یوں ہے بلبل دلگیر
رشکِ عرفی و فخر طالب مُرد
اسد اللہ خان غالب مُرد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ان کی شفقت جو یاد آتی ہے
چشم دریائے خوں بہاتی ہے
کل نہ تھی جس جگہ کہ بے جائے
وہی جا اب تو کاٹے کھاتی ہے
یوں تو سنسان ہے مکاں سارا
آہ پر شور و غل مچاتی ہے
بے قراری کا زور مت پوچھو
صبر کی دھجیاں اڑاتی ہے
کون آتا ہے بہر پرسش حال
ہاں غشی غم سے آئے جاتی ہے
ان کی دوری میں ہے یہ بدمزگی
کہ نہیں زیست اپنی بھاتی ہے
یہ انہیں کا مزار ہے شاید
یاں سے کچھ بوئے الفت آتی ہے
کان دھر کر جدھر سے سنتے ہیں
یہ ندا آ کے غم بڑھاتی ہے
رشکِ عرفی و فخر طالب مُرد
اسد اللہ خان غالب مُرد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایک جاں اور لاکھ کاہش غم
ایک دل اور ہزار رنج و الم
ہاں وڑیڑا ہو چشم طوفاں ریز
آنسو آنے لگے ہیں کیوں تھم تھم
ہے ہر ایک شہر اور قریہ میں
اس عدیم النظیر کا ماتم
روئے شادی کبھی نہ دیکھیں گے
اپنے حرماں جاوداں کی قسم
جس پہ گزرے وہی یہ جانتا ہے
غم ہجراں ہے کس غضب کا ستم
کہیں اس درد کا نہیں درماں
کہیں اس زخم کا نہیں مرہم
بد ہے دوری اگرچہ ہو دم بھر
زہر ہے زہر بیش ہو یا کم
مجھ سے پرساں ہے اس مصیبت کا
تجھ کو معلوم کیا نہیں ہمدم
رشکِ عرفی و فخر طالب مُرد
اسد اللہ خان غالب مُرد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جب کہ آنکھوں سے وہ نہاں ہو جائے
کیوں نہ دم سینہ میں سناں ہو جائے
چونک اٹھیں خواب مرگ سے حضرت
اس قدر شور اے فغاں ہو جائے
بلبل باغ فضل ہے خاموش
چپ نہ کیوں مرغ صبح خواں ہو جائے
مہر معنی ہے خاک میں پنہاں
کیوں نہ تاریک سب جہاں ہو جائے
جوش میں خون دل ہے ہاں اے غم
ریزش چشم خوں فشاں ہو جائے
لب پہ رہتی ہے آہ چرخ شکن
کہیں ٹکڑے نہ آسماں ہو جائے
نالہ ہو یا کہ آہ یا گریہ
آج ان سب کا امتحاں ہو جائے
یوں تو چپ بیٹھنا نہیں اچھا
دل پر درد کچھ بیاں ہو جائے
رشکِ عرفی و فخر طالب مُرد
اسد اللہ خان غالب مُرد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کون دیتا ہے یاں کسی کی داد
تم کئے جاؤ نالہ و فریاد
کیا شریفوں کی قدر ہو اس کو
آسماں جبکہ خود ہو سفلہ نہاد
اس کو ہے اپنی کج روی سے کام
کوئی برباد ہو کہ ہو آباد
کوئی استاد فن مرے تو مرے
ہے یہ جوروستم میں خود استاد
انتقال جناب غالب نے
کردیا خانہء ادب برباد
ہائے جنگل میں اس کی قبر بنی
کاخِ معنی کی جو کہ تھا بنیاد
اس کو خضر رہ سخن سمجھو
ہے جو ان کی زبان کا ارشاد
پوچھا یہ سانحہ جو یاروں نے
بولا مجروح با دل نا شاد
رشکِ عرفی و فخر طالب مُرد
اسد اللہ خان غالب مُرد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھی جو ان کی مزاج میں تہذیب
وہ جہاں میں نہیں کسی کو نصیب
ان سے دیکھا کبھی نہ فعل عبث
اس سے آگاہ ہیں بعید و قریب
صلح کل کا رکھا تھا وہ برتاؤ
تھے وہ دشمن کی بھی نظر میں حبیب
تھی نہ اک بات لطف سے خالی
یہ بھی اک بات تھی عجیب و غریب
گفتگو میں عجب فصاحت تھی
ہوتے تھے محو جس کو سن کے ادیب
تھا ہر اک بات کا نیا انداز
ہر سخن کی تھی اک نئی ترکیب
خوش ہی جاتا تھا واں سے ہر غمگیں
تھے مگر آپ خوش دلی کے طیبب
ان کا تابوت دیکھ با حسرت
یہ ہی کہتا تھا ہر امیر و غریب
رشکِ عرفی و فخر طالب مُرد
اسد اللہ خان غالب مُرد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ان سا پیدا کہاں ہو گر سَو بار
کھائے چکر یہ چرخِ کج رفتار
تھی یہ مضمون کی دُرر ریزی
سلک گوہر تھی کلک جادو کار
ان کی رنگینیء عبارت سے
صفحہ کاغذ کا ہے بہ از گلزار
اس کلام بلیغ کو دیکھو
لفظ اندک میں معنیء بسیار
حلم طبع سلیم میں وہ تھا
چیونٹی تک کو نہ جس سے تھا آزار
گرد تابوت تھا ہجوم کثیر
اہل ماتم میں تھی یہی گفتار
جو کہ جاتے تھے ہم رہِ تابوت
یہی کہتے تھے وہ پکار پکار
رشکِ عرفی و فخر طالب مُرد
اسد اللہ خاں غالب مُرد
