کاشفی
محفلین
غزل
(یاس)
نگاہ لطف گر اے ساقیء مے خانہ ہو جائے
میں بن جاؤں شرابِ ناب، دل پیمانہ ہو جائے
دلِ مضطر پہ رحم آتا ہے اور ہوتی ہے وحشت بھی
کہیں رسوا نہ کردے اور خود رسوا نہ ہو جائے
کروں ایجاد وہ رنگِ محبت بزم دنیا میں
طریقِ راہ و رسم قیس اک افسانہ ہو جائے
مری مٹی میں اک برقِ تپاں ہے دیکھ کر چلنا
غبارِ راہ میں فتنہ کوئی برپا نہ ہو جائے
بقدرِ وُسعتِ دل اور دنیا خلق کرتا ہوں
مگر ڈر ہے کہ دل اُس سے بھی بے پروا نہ ہو جائے
مرا جینا ہو جینا یاس مرنا ہو مرا مرنا
اگر یہ زندگی صرفِ رہِ میخانہ ہو جائے
(یاس)
نگاہ لطف گر اے ساقیء مے خانہ ہو جائے
میں بن جاؤں شرابِ ناب، دل پیمانہ ہو جائے
دلِ مضطر پہ رحم آتا ہے اور ہوتی ہے وحشت بھی
کہیں رسوا نہ کردے اور خود رسوا نہ ہو جائے
کروں ایجاد وہ رنگِ محبت بزم دنیا میں
طریقِ راہ و رسم قیس اک افسانہ ہو جائے
مری مٹی میں اک برقِ تپاں ہے دیکھ کر چلنا
غبارِ راہ میں فتنہ کوئی برپا نہ ہو جائے
بقدرِ وُسعتِ دل اور دنیا خلق کرتا ہوں
مگر ڈر ہے کہ دل اُس سے بھی بے پروا نہ ہو جائے
مرا جینا ہو جینا یاس مرنا ہو مرا مرنا
اگر یہ زندگی صرفِ رہِ میخانہ ہو جائے
