جوش نہ جادو، نہ افسوں گری چاہتا ہوں - جوش ملیح آبادی

[حسان خان]

نہ جادو، نہ افسوں گری چاہتا ہوں​

فقط حُسن سے دلبری چاہتا ہوں​

​

حضوری کے پُررعب دربار میں بھی​

دلِ تند و شوقِ جری چاہتا ہوں​

​

مری جنس کے ہات بک جائے خود ہی​

میں وہ قدرداں مشتری چاہتا ہوں​

​

اہانت گوارا نہیں عاشقی کی​

غلامی میں بھی سروری چاہتا ہوں​

​

مزاجِ تمنائے خوددار توبہ​

عبادت میں بھی دواری چاہتا ہوں​

​

مُصِر ہے اگر دلبری 'داوری' پر​

کم از کم میں پیغمبری چاہتا ہوں​

​

جو 'پیغمبری' میں بھی دشواریاں ہوں​

تو ہنگامۂ کافری چاہتا ہوں​

​

خلاصہ ہے یہ جوش اِس داستاں کا​

کہ جوہر ہوں اور جوہری چاہتا ہوں​

​

(جوش ملیح آبادی)​

 

[محمد وارث]

لاجواب۔ شکریہ جناب ارسال فرمانے کیلے

 

[نایاب]

واہہہہہہہہہہ
کیا خوب انتخاب ہے ۔۔۔۔۔

 

[مدیحہ گیلانی]

بہت عمدہ انتخاب ہے حسان بیٹا ۔
جیتے رہیئے۔

 

[محمد بلال اعظم]

واہ
بہت خوب انتخاب حسان بھائی

 

[حسان خان]

پسندیدگی کے لیے سب کا شکریہ۔

 

[صائمہ شاہ]

بہت عمدہ انتخاب

مُصِر ہے اگر دلبری 'داوری' پر
کم از کم میں پیغمبری چاہتا ہوں
جو 'پیغمبری' میں بھی دشواریاں ہوں
تو ہنگامۂ کافری چاہتا ہوں