کاشفی
محفلین
غزل
(جوش ملیح آبادی)
نہ جانے رات کو تھا کون زینتِ پہلو
مَچل رہی تھی ہوا میں شراب کی خوشبُو
حریم صلح میں قائم تھا ایک مرکز پر
مزاجِ عشق و تقاضائے حُسنِ عربدہ جُو
وفا کی انجمن شوق میں تھی شِیر و شکر
جراحت ِ دل صد چاک و تیغِ صاعقہ خُو
مٹا چکا تھا فلک رسمِ ساغر و سنداں
بھُلا چکا تھا زمانہ نزاعِ سنگ و سبُو
ہوا کی جیب میں تھا تِیر از کماں رفتہ
کشش کے دام میں تھی کاوشِ رَمِ آ ہُو
بساطِ خاک پہ خوابیدہ تھا غمِ دوراں
شرابِ تُند کی لہروں میں غرق تھے آنسُو
اُدھر محیطِ فلک پر فُسونِ نجم و قمر
اِدھر حریمِ تمنّا میں نرگسِ جادو
اُدھر حیات کی لحنِ طرب تھی تابہ فلک
اِدھر شباب کی موجِ رواں تھی تابہ گلو
اُدھر اُڑا ہوا طولِ شبِ فراق کا رنگ
اِدھر شباب پر آرائشِ خَمِ گیسو
چھڑی ہوئی ہے حکایت شبِ جوانی کی
تڑپ کے جوش! پھر اک بار نعرہء “ یاہُو“
(جوش ملیح آبادی)
نہ جانے رات کو تھا کون زینتِ پہلو
مَچل رہی تھی ہوا میں شراب کی خوشبُو
حریم صلح میں قائم تھا ایک مرکز پر
مزاجِ عشق و تقاضائے حُسنِ عربدہ جُو
وفا کی انجمن شوق میں تھی شِیر و شکر
جراحت ِ دل صد چاک و تیغِ صاعقہ خُو
مٹا چکا تھا فلک رسمِ ساغر و سنداں
بھُلا چکا تھا زمانہ نزاعِ سنگ و سبُو
ہوا کی جیب میں تھا تِیر از کماں رفتہ
کشش کے دام میں تھی کاوشِ رَمِ آ ہُو
بساطِ خاک پہ خوابیدہ تھا غمِ دوراں
شرابِ تُند کی لہروں میں غرق تھے آنسُو
اُدھر محیطِ فلک پر فُسونِ نجم و قمر
اِدھر حریمِ تمنّا میں نرگسِ جادو
اُدھر حیات کی لحنِ طرب تھی تابہ فلک
اِدھر شباب کی موجِ رواں تھی تابہ گلو
اُدھر اُڑا ہوا طولِ شبِ فراق کا رنگ
اِدھر شباب پر آرائشِ خَمِ گیسو
چھڑی ہوئی ہے حکایت شبِ جوانی کی
تڑپ کے جوش! پھر اک بار نعرہء “ یاہُو“
