نہ راس آئی ہمیں شہرِ گل کی آب و ہوا

[زبیر مرزا]

کراچی کے ایک سہ ماہی رسالے مشاھیرمیں یہ غزل پڑھی تھی شاعر کا نام ناصرکاسگنجوی درج تھا

​

نہیں کہ انجمنِ دوستاں سے لوٹ آئے​

جوارحلقہِ سوداگراں سے لوٹ آئے​

​

نہ راس آئی ہمیں شہرِ گل کی آب و ہوا​

دیارِ فکر بہاروخزاں سے لوٹ آئے​

​

سوال ہی کا سلیقہ نہ تھا تو کیا کرتے​

یہی کہ ہم درِ پیرمغاں سے لوٹ آئے​

​

قفس سے چھوٹ کے آسائش قفس کے اسیر​

گئے ضرورمگر آشیاں سے لوٹ آئے​

​

تلاشِ دوست میں دل کیا کہ ہوش وفکرونظر​

سبھی تھے ساتھ مگر درمیاں سے لوٹ آئے​

​

وہ حسنِ شعر جو ناصر جگرکے ساتھ گیا​

خدا کرے مرے رنگِ بیاں سے لوٹ آئے​

 

[فلک شیر]

​

قفس سے چھوٹ کے آسائش قفس کے اسیر​

گئے ضرورمگر آشیاں سے لوٹ آئے​

​

بہت خوبصورت شعر....سبحان اللہ....عمدہ انتخاب​

 

[طارق شاہ]

وہ حسنِ شعر جو ناصر جگرکے ساتھ گیا​

خدا کرے مرے رنگِ بیاں سے لوٹ آئے​

مطلع بہ شان جگر صاحب، بہت خوب ہے​

اچھے انتخاب اور شیئرنگ پر داد قبول کیجئے​

تشکّر​

بہت خوش رہیں​