نہ رہا شکوہء جفا نہ رہا ۔۔۔ قلق

[شہزاد احمد]

نہ رہا ۔۔۔۔ شکوہء جفا نہ رہا
ہو کے دشمن بھی آشنا نہ رہا
بے وفا جان و مال بے صرفہ
کیا رہا جب کہ دل رُبا نہ رہا
سبھی اغیار ہیں، سبھی عاشق
اعتماد اوسکا ایک جا نہ رہا
خاک تھا جس چمن کے رنگِ ارم
پتے پتے کا وہاں ۔۔۔۔۔ پتا نہ رہا
وصل میں کیا وصال مشکل تھا
یاد پر ۔۔۔۔ روزِ ہجر کا نہ رہا
خط میرا وہاں گیا، گیا نہ گیا
سرِ قاصد رہا، رہا نہ رہا
دل میں رہتا ہے کون غم کے سوا
کوئی اس گھر میں دوسرا نہ رہا
غیر اور شکوہء جفا تم سے
ہاں میں قابلِ وفا نہ رہا
کیا ہوا کیوں قلق کو روتے ہو
کوئی اس دہر میں سدا نہ رہا

 

[فرخ منظور]

واہ! کیا ہی خوبصورت غزل ہے۔ شریکِ محفل کرنے کا بہت شکریہ شہزاد صاحب!

خط مرا وہاں گیا، گیا نہ گیا​

سرِ قاصد رہا، رہا نہ رہا​

 

[باباجی]

واہ بہت خوب