ظہیراحمدظہیر
لائبریرین
نہ سیم و زر نہ گہر بیچ کر ادا ہوگا
وفا کا قرض ہے ، سر بیچ کر ادا ہوگا
زمیں کا قرض ہے جتنا مری اڑانوں پر
غرورِ بازو و پر بیچ کر ادا ہوگا
چکانے نکلا ہوں میں کاسۂ گدائی لئے
جو قرض کاسۂ سر بیچ کر ادا ہوگا
لبوں سے حرفِ محبت بہ لہجۂ تسلیم
متاعِ قلب و جگر بیچ کر ادا ہوگا
ہے یرغمالِ ضرورت جو دل تو پھر تاوان
انا کو بارِ دگر بیچ کر ادا ہوگا
محبتوں کے سفر میں ظہیرؔ حقِ سفر
تمام زادِ سفر بیچ کر ادا ہوگا
ظہیرؔاحمد ۔۔۔۔۔۔۔۔۔ ۲۰۰۷
وفا کا قرض ہے ، سر بیچ کر ادا ہوگا
زمیں کا قرض ہے جتنا مری اڑانوں پر
غرورِ بازو و پر بیچ کر ادا ہوگا
چکانے نکلا ہوں میں کاسۂ گدائی لئے
جو قرض کاسۂ سر بیچ کر ادا ہوگا
لبوں سے حرفِ محبت بہ لہجۂ تسلیم
متاعِ قلب و جگر بیچ کر ادا ہوگا
ہے یرغمالِ ضرورت جو دل تو پھر تاوان
انا کو بارِ دگر بیچ کر ادا ہوگا
محبتوں کے سفر میں ظہیرؔ حقِ سفر
تمام زادِ سفر بیچ کر ادا ہوگا
ظہیرؔاحمد ۔۔۔۔۔۔۔۔۔ ۲۰۰۷
