داغ نہ ہو کیوں کر افضل ہمارا محمد ۔ داغ دہلوی کی ایک خوبصورت نعت

[مدیحہ گیلانی]

نہ ہو کیوں کر افضل ہمارا محمد
کہ ہے اپنے پیارے کا پیارا محمد

الہی یہ محشر میں ہم کہتے جائیں
کہاں ہے کہاں ہے ہمارا محمد

وہیں کشتیِ نوح بھی ڈوب جاتی
نہ دیتے جو اس کو سہارا محمد

ابھی فرش سے عرش مل جائے جھک کر
کریں گر طلب کا اشارا محمد

یہی بات عاشق نے معشوق سے کی
نہیں تیری فرقت گوارا محمد

کہیں گے یہی اس شہِ انبیا سے
وہاں ہوں گے جب آشکارا محمد

شفیعِ امم روزِ محشر تمھیں ہو
ہمیں ہے تمھارا سہارا محمد

صدا خیر مقدم کی کعبے سے آئی
حرم سے جب آئے دوبارا محمد

بلا لو مدینے میں پھر داغؔ کو تم
نہیں ہند میں اب گزارا محمد
داغ دہلوی

 

[فاتح]

واہ داغ دہلوی کی نایاب نعت ہے۔ بہت شکریہ مدیحہ گیلانی صاحبہ

 

[محمداحمد]

سبحان اللہ

 

[الف نظامی]

جزاک اللہ۔

 

[نایاب]

سبحان اللہ
کیا معطر نعت شریک محفل کی ہے
جزاک اللہ خیراء

 

[محمد بلال اعظم]

ماشاءاللہ
سبحان اللہ
کیا شعر ہے
بلا لو مدینے میں پھر داغؔ کو تم
نہیں ہند میں اب گزارا محمد

 

[محمد وارث]

شکریہ مدیحہ گیلانی صاحبہ خوبصورت نعت ارسال فرمانے کیلیے اور اردو محفل میں خوش آمدید۔

 

[مہ جبین]

بہت پیاری نعتِ پاک ہے
جزاک اللہ مدیحہ گیلانی

 

[سید زبیر]

الہی یہ محشر میں ہم کہتے جائیں
کہاں ہے کہاں ہے ہمارا محمد
جزاک اللہ،،،،نہائت خوبصورت انتکاب

 

[مدیحہ گیلانی]

انتخاب کی پسندیدگی پر ممنون ہوں .سلامت رہیے

 

[سیدہ شگفتہ]

نہ ہو کیوں کر افضل ہمارا محمد
کہ ہے اپنے پیارے کا پیارا محمد

الہی یہ محشر میں ہم کہتے جائیں
کہاں ہے کہاں ہے ہمارا محمد

وہیں کشتیِ نوح بھی ڈوب جاتی
نہ دیتے جو اس کو سہارا محمد

ابھی فرش سے عرش مل جائے جھک کر
کریں گر طلب کا اشارا محمد

یہی بات عاشق نے معشوق سے کی
نہیں تیری فرقت گوارا محمد

کہیں گے یہی اس شہِ انبیا سے
وہاں ہوں گے جب آشکارا محمد

شفیعِ امم روزِ محشر تمھیں ہو
ہمیں ہے تمھارا سہارا محمد

صدا خیر مقدم کی کعبے سے آئی
حرم سے جب آئے دوبارا محمد

بلا لو مدینے میں پھر داغؔ کو تم
نہیں ہند میں اب گزارا محمد
داغ دہلوی

سبحان اللہ

بہت عمدہ انتخاب شیئر کیا آپ نے ۔ اردو محفل فورم میں خوش آمدید !

 

[مدیحہ گیلانی]

وارث صاحب ، سیدہ شگفتہ صاحبہ محفل پر خوش آمدید کہنے کا شکریہ .

 

[فاتح]

اوہ ہاں۔۔۔ اردو محفل میں خوش آمدید تو کہا ہی نہیں۔

 

[مدیحہ گیلانی]

فاتح صاحب بہت شکریہ خوش آمدید کہنے کے لیے .سلامت و شاد رہیے .

 

[فاتح]

شکریہ۔ مزید انتخاب بھی شیئر کیجیے

 

[محب علوی]

خوش آمدید مدیحہ گیلانی۔

داغ کی نعت دیکھ کر خوشگوار حیرت ہوئی مگر داغ کی اتنی خوبصورت رومانوی شاعری اور معاملہ بندی کی انتہا کو پہنچی ہوئی شاعری پڑھنے کے بعد نعت میں داغ کی شاعری کا وہ کمال نظر نہیں آیا جو داغ کا خاصہ ہے۔

مجھے لگتا ہے کہ داغ نے نعت رسما لکھی ہے دل سے نہیں۔

 

[فاتح]

خوش آمدید مدیحہ گیلانی۔

داغ کی نعت دیکھ کر خوشگوار حیرت ہوئی مگر داغ کی اتنی خوبصورت رومانوی شاعری اور معاملہ بندی کی انتہا کو پہنچی ہوئی شاعری پڑھنے کے بعد نعت میں داغ کی شاعری کا وہ کمال نظر نہیں آیا جو داغ کا خاصہ ہے۔

مجھے لگتا ہے کہ داغ نے نعت رسما لکھی ہے دل سے نہیں۔

تم تو دلوں کا حال جاننے لگے یا فتوے بازی کے شوق میں ڈوبے لگتے ہو۔ ہاہاہا
داغ بے چارے کی عاقبت تو یہیں بنا دی۔۔۔ یومِ قیامت کا انتظار ہی کر لینے دیتے اس بے چارے کو

 

[محب علوی]

جو کلام سے محسوس ہوا وہ بیان کیا ہے اور جو چند نعتیں پڑھی اور سنی ہے ان کے تناظر میں کہا ہے۔ داغ کے عمومی کلام میں کم از کم ایک دو شعر ندرت خیال لیے ہوتے ہیں مگر اس کلام میں مجھے ایسا بالکل محسوس نہیں ہوا۔ جب کلام موجود ہے تو دل کا حال جاننے کی کیا ضرورت اور میری رائے ہے فتوے تو ماشاءللہ ایک اور ہی عالم فاضل شخصیت آجکل دیتی ہیں اور اکثریت ان فتاوی کی جلی کٹی پر مشتمل ہوتی ہے۔

یوم قیامت کا انتظار اس بیچارے نے شعروں میں بہت کر لیا ہے ، اب بعد از مرگ بھی یہی سلسلہ جاری رکھا جائے کیا۔

 

[مدیحہ گیلانی]

خوش آمدید مدیحہ گیلانی۔

داغ کی نعت دیکھ کر خوشگوار حیرت ہوئی مگر داغ کی اتنی خوبصورت رومانوی شاعری اور معاملہ بندی کی انتہا کو پہنچی ہوئی شاعری پڑھنے کے بعد نعت میں داغ کی شاعری کا وہ کمال نظر نہیں آیا جو داغ کا خاصہ ہے۔

مجھے لگتا ہے کہ داغ نے نعت رسما لکھی ہے دل سے نہیں۔

یہ پوچھنے کے لئے تو عالم بالاجانا پڑے گا محب علوی صاحب !

 

[محب علوی]

یہ پوچھنے کے لئے تو عالم بالاجانا پڑے گا محب علوی صاحب !

مجھے لگتا ہے میں نے کوئی انوکھی بات کردی ہے یا فاتح کے اعتراض کے بعد اسے سند مل گئی ہے۔

تاریخ میں اور اب بھی زیادہ تر رائے مرنے والوں پر ہی ہوتی ہیں اور اس کے لیے کوئی بھی عالم بالا نہیں جاتا ، اسی کرہ ارض پر رہ کر ہی اپنے خیالات پیش کرتا ہے مدیحہ گیلانی صاحبہ