نیند نے غم بنا تقصیر دیا ۔۔۔۔۔ برائے اصلاح و تنقید

[loneliness4ever]

السلام علیکم
ایک بار پھر حاضر ہوا ہوں
امید ہے گوارا فرمائیں گے


خواب آنکھوں کو بے تعبیر دیا
نیند نے غم بنا تقصیر دیا

یاد تعذیب ِمحبت ہی رہی
درد الفت نے بے تفسیر دیا

شوق ِمنزل دیا قدرت نے مگر
ساتھ راہی کو پا زنجیر دیا

دل کو حاصل ہوا آرام نہیں
عشق نے روگ بے تدبیر دیا

چاند کو شب نے اسیری میں لیا
داغ بندی کا بے تعزیر دیا

میں نے مخمور خلاصی کے لئے
اپنا ہی سر تلے شمشیر دیا


الف عین
محمد یعقوب آسی
محمد اسامہ سَرسَری
مزمل شیخ بسمل
محمد وارث

 

[محمد یعقوب آسی]

معذرت خواہ ہوں صاحبان ۔۔۔۔۔۔۔۔

 

[loneliness4ever]

معذرت خواہ ہوں صاحبان ۔۔۔۔۔۔۔۔

استاد جی خاکسار سے نادانستگی میں جو بھی خطا ہوئی ہے اس پر معذرت ،،،،،
امید ہے رہنمائی فرمائیں گے

 

[محمد یعقوب آسی]

استاد جی خاکسار سے نادانستگی میں جو بھی خطا ہوئی ہے اس پر معذرت ،،،،،
امید ہے رہنمائی فرمائیں گے

اللہ رحم کرے، آپ سے کوئی خطا نہیں ہوئی۔
میں آپ کی اس کاوش کے اوزان کو بھی نہیں پا سکا اور نہ لفظیات کو۔ شاید یہ جدید تر لہجے کی حامل تحریر ہے، جو مجھ جیسے روایت پسند کی رسائی میں نہیں آ رہی۔ نئے عہد کے دوست گفتگو کریں، یقیناً مفید ہو گی۔

 

[loneliness4ever]

اللہ رحم کرے، آپ سے کوئی خطا نہیں ہوئی۔
میں آپ کی اس کاوش کے اوزان کو بھی نہیں پا سکا اور نہ لفظیات کو۔ شاید یہ جدید تر لہجے کی حامل تحریر ہے، جو مجھ جیسے روایت پسند کی رسائی میں نہیں آ رہی۔ نئے عہد کے دوست گفتگو کریں، یقیناً مفید ہو گی۔

محترم استاد،
خطا تو اس نامعقول سے ہو ہی گئی ہے کہ جو لکھا ادھورا لکھ کر یہاں چسپاں کر دیا
مکمل نہیں لکھا اس لئے آپکو زحمت ہوئی ، جس کی معذرت اور ان شاءاللہ آئندہ خیال
رکھوں گا کہ بہتر سے بہتر انداز میں یہاں لڑی لگائوں ۔۔۔۔

محترم استاد عرصہ پہلے یہ جملہ لب پر آ گیا تھا

مسافر کو پا زنجیر دیا

اب کوشش کی کہ اس کی بحر نکال لوں اور اس پر کچھ کوشش کروں
اور کوشش کرتے کرتے بالا جملہ تبدیل ہوگیا اس سے

ساتھ راہی کو پا زنجیر دیا

اور یوں بحر کچھ اس طرح ہو گئی

فاعلاتن فَعِلاتن فَعِلن

خاکسار اگلی بار ایسی حماقت سے دامن بچھائے گا اور مکمل معلومات کیساتھ
اپنی کوشش یہاں چسپاں کرے گا
امید کرتا ہوں محترم استاد اس نامعقول کی خطا نظر انداز فرمائیں گے

اللہ آباد و بے مثال رکھے آپکو ۔۔۔۔ آمین
فقیر
س ن مخمور

 

[الف عین]

یہ تو میں سمجھ گیا ہوں کہ بحر فاعلاتن فعلاتن فعلن ہے۔ لیکن ہر دوسرے مصرع میں ’بے‘ کو محض ب تقطیع کرنا اور ’ے‘ گرا دینا درست نہیں، بس یہ مصرع درسرت ہے
نیند نے غم بنا تقصیر دیا

 

[loneliness4ever]

یہ تو میں سمجھ گیا ہوں کہ بحر فاعلاتن فعلاتن فعلن ہے۔ لیکن ہر دوسرے مصرع میں ’بے‘ کو محض ب تقطیع کرنا اور ’ے‘ گرا دینا درست نہیں، بس یہ مصرع درسرت ہے
نیند نے غم بنا تقصیر دیا

محترم استاد آپکی آمد اور رہنمائی پر ممنون و مسرور ہوں
جی کچھ بدلائو کی کوشش کرکے حاضری لگائو گا اس دھاگے میں
امید ہے آپ رہنمائی فرمائیں گے ۔۔۔۔

اللہ آباد و بے مثال رکھے آپکو ۔۔۔۔۔ آمین

 

[مزمل شیخ بسمل]

مجھے بنا کے الف کو گرانے میں بھی تامل ہے۔ خیر اگر بڑے استاد جی نے اجازت دی ہے تو ہماری کیا اوقات۔

 

[الف عین]

میں نے اجازت کہاں دی بسمل؟ اور بھی اغلاط ہیں۔ ’پا زنجیر‘ اور ’شمشیر دیا‘!!

 

[loneliness4ever]

خاکسار تمام اساتذہ کا شکرگزار ہے

جناب میری کم علمی مجھے سفر آگے کرنے سے روکتی ہے
مگر آپ محترم استادوں کا گر ساتھ نصیب رہا تو یہ فقیر شعر
کہے نہ کہے شعر پڑھنے، اور سمجھنے کے ضرور قابل ہو جائے گا

امید کرتا ہوں عطا کا سلسلہ مستقل رہے گا
اللہ آباد و بے مثال رکھے آپ تمام کو ۔۔۔۔۔۔۔ آمین