وادی سوات، دہشت گردی کے بعد سیاحت

[محسن وقار علی]

برف پوش پہاڑوں، گنگناتے آبشاروں اور بل کھاتی ندیوں کی سر زمین وادی سوات میں سیاحتی سیزن شروع ہوچکا ہے۔ 2009ء میں فوجی آپریشن سے قبل تک یہ وادی طالبان شدت پسندوں کا تختہ مشق بنی رہی۔ یہاں نہ صرف قتل وغارت کا بازار گرم رہا بلکہ سکیورٹی خدشات کے باعث سیاحت ختم ہو کر رہ گئی تھی۔

مصنف: عدنان باچہ | ایڈیٹر: افسر اعوان
بہ شکریہ ڈی ڈبلیو اردو

 

[محسن وقار علی]

مشرق کا سوئٹزرلینڈ

وادی سوات اپنے فطری حسن اور رعنائی کی وجہ سے مشرق کا سوئٹزر لینڈ کہلاتی ہے۔ سوات پاکستانی دارالحکومت اسلام آباد سے 390 کلو میٹر کے فاصلے پر خیبر پختون خوا کے شمال میں واقع ہے۔ سوات کی آبادی کا 80 فی صد حصہ سیاحت سے وابستہ ہے۔

 

[محسن وقار علی]

انتہا پسندی کی شکار وادی

وادی سوات کی سیاحت اور معیشت کو گزشتہ 18 برسوں کے دوران انتہا پسندی نے کافی نقصان پہنچايا ہے۔ تحريک نفاذ شريعت محمدی کے سربراه مولانا صوفی محمد اور ان کے حاميوں نے يہاں پر 1996ء میں شريعت کے نفاذ کے لیے آواز اُٹھائی اورمختلف طریقوں سے سیاحوں کو سوات آمد سے روکتے رہے۔

 

[محسن وقار علی]

خواتین کی تعلیم اور تفریخ پر پابندی

وادی سوات میں 2007ء سے مولانا فضل الله کی انتہاپسندی نے یہاں کی معيشت اور سياحت کوشدید نقصان پہنچایا۔ لوگوں کوقتل کرنا، اسکولوں، سرکاری عمارتوں، پلوں اور سیاحتی مقامات کو بموں سے اڑانا معمول بن گیا۔ خواتین کو گھروں تک محدود کر کے لڑکیوں کی تعلیم پر پابندی لگا دی گئی۔

 

[محسن وقار علی]

معیشت اور ہوٹل انڈسٹری کا نقصان

سوات کی ہوٹلز ایسوسی ایشن اور محکمہ سیاحت کے مطابق سوات میں کشیدگی کے دوران ہوٹل انڈسٹری کو سات ارب جبکہ سوات کی مجموعی معیشت کو 80 ارب روپے کا نقصان اٹھانا پڑا۔ دہشت گردی سے متاثرہ سوات کی معیشت سنبھلنے لگی تو 2010ء میں سیلاب نے اس وادی میں تاریخی تباہی مچادی۔ ہوٹلز ایسوسی ایشن کے مطابق سیلاب کی وجہ سے131 ہوٹل دریا برد ہوئے اور اس انڈسٹری کو مزید چھ ارب روپے کا نقصان اُٹھانا پڑا۔

 

[محسن وقار علی]

فوجی آپریشن کے بعد سیاحوں کی دلچسپی

2009ء میں پاک فوج کے کامیاب آپریشن اور امن کے قیام کے بعد معمولات زندگی بحال ہوئے تو سوات ایک دفعہ پھر سیاحوں کی توجہ کا مرکز بن گیا۔ صوبائی حکومت اور پاک فوج کی جانب سے امن میلوں کے انعقاد نے سیاحوں کی توجہ پھر اپنے جانب کھینچ لی اور ملکی سیاحوں سمیت غیر ملکی سیاح بھی کثیر تعداد میں سوات آنے لگے۔

 

[محسن وقار علی]

سیاحوں کی دلچسپی کا بڑا مرکز

وادی سوات ملکی اور غیر ملکی سیاحوں کے لیے انتہائی دلچسپی کی حامل رہی ہے۔ سوات میں سحر انگیز وادیاں اور دل مول لینے والے درے موجود ہیں۔ کالام، مدین، بحرین، مرغزار، میاندم مہوڈنڈ جھیل سیاحوں کی توجہ کا مرکز ہے۔ سوات میں محکمہ اطلاعات و نشریات کے مطابق 2012ء میں ایک لاکھ سے زائد سیاحوں نے اس وادی کا رُخ کرکے گزشتہ 20 سالہ سیاحتی تاریخ کا ریکارڈ توڑا۔

 

[محسن وقار علی]

سیاحت کے فروغ کے لیے اقدامات کی ضرورت

ٹورسٹ انڈسٹری سے متعلق ماہرین کے مطابق سوات کی سیاحت کو فروغ دینے کے لیے وہاں سڑکوں کی تعمیر، سیاحوں کے لیے بنیادی ضروریات کی فراہمی اور مزید ٹورسٹ اسپاٹس کا قیام انتہائی ضروری ہے۔

 

[محسن وقار علی]

تباہ حال انفرا سٹرکچر کی بحالی

سوات ہوٹلز ایسوسی ایشن کے صدر زاہد خان کے مطابق سوات کی سیاحت کو فروغ دینے کے لیے وہاں کی تباہ حال انفراسٹرکچر کی بحالی، لنڈاکے تا کالام ایکسپریس وے کی تعمیر اور سیاحوں کے لیے سہولیات کی فراہمی اس پاکستانی سیاحتی صنعت میں اہم کردار ادا کر سکتی ہے بلکہ ملک کو وسیع زرمبادلہ بھی حاصل ہو سکتا ہے۔

 

[محسن وقار علی]

’’بے پناہ حسن‘‘

اسلام آباد سے اپنی فیملی کے ساتھ کالام پہنچی ہوئی ایک خاتون مسز مشتاق کے مطابق، ’’سوات کو اللہ نے بے پناہ حسن سے نوازا ہے، یہاں بار بار آنے کو دل کرتا ہے اور میں پوری دنیا کے لوگوں کو دعوت دیتی ہوں کہ سوات آئیں یہاں پر خطرے والی کوئی بات نہیں۔‘‘

 

[محسن وقار علی]

ٹیگ نامہ

 

[امجد میانداد]

سبحان اللہ، میری دھرتی، شاد رہے آباد رہے۔ آمین۔

 

[دوست]

کاش نئی صوبائی حکومت اس کی ترقی کے لیے کچھ کرے۔

 

[محمد بلال اعظم]

آہا
پاکستان کی ہر چیز کمال ہے
سوات کمال کی جگہ۔۔۔ہم اس پہ توجہ کر کے سیاحت کے میدان میں کثیر زرِ مبادلہ کما سکتے ہیں۔

 

[حسیب نذیر گِل]

اتنی خوبصورت تصاویر اور معلومات شئیر کرنیکا شکریہ
دعا ہے کہ جلد از جلد یہ وادی پرُامن ہو جائے اور دنیا والے بھی ہمارے پیارے پاکستان کی خوبصورتی کو دیکھ سکیں

 

[عمراعظم]

خواتین کی تعلیم اور تفریخ پر پابندی

وادی سوات میں 2007ء سے مولانا فضل الله کی انتہاپسندی نے یہاں کی معيشت اور سياحت کوشدید نقصان پہنچایا۔ لوگوں کوقتل کرنا، اسکولوں، سرکاری عمارتوں، پلوں اور سیاحتی مقامات کو بموں سے اڑانا معمول بن گیا۔ خواتین کو گھروں تک محدود کر کے لڑکیوں کی تعلیم پر پابندی لگا دی گئی۔

ایسی جنت نظیر وادیوں میں یہ حیوان نما انسان کیسے پیدا ہو گئے۔

 

[عمراعظم]

انتہائی خوبصورت انتخاب۔

 

[عسکری]

بلال میرے بھائی آ کر دیکھو بار پلیییییییز

 

[عمراعظم]

بلال میرے بھائی آ کر دیکھو بار پلییی ییی یز

شہید کی جو موت(شہادت) ہے وہ قوم کی حیات ہے۔

 

[انجانا]

ایسی جنت نظیر وادیوں میں یہ حیوان نما انسان کیسے پیدا ہو گئے۔

یہ حیوان درآمد شدہ تھے۔