فرخ منظور
لائبریرین
وداع
(عزیز حامد مدنی)
رات آدھی ہوئی، نیتِ شب حرام
بوئے گل، حرفِ پیماں سلامت رہے
رات کی نم ہواؤں کی زنجیر میں
کاکلیں کھل گئیں شوق ِتقصیر میں
رکھ دئیے آئنے کوئے تعبیر میں
خواب نے، دستِ عشاق نے، رات نے
عشق بے ساز و ساماں سلامت رہے
کھِل اٹھے موج ِخوں میں گل و یاسمن
سلسلے یاد کے، رشتہ ہائے کہن
مار خفتہ نفس ، کوئی جی کی لگن
درد کے زہر کا اک پیالہ پئے
جاگ اٹھی ہے ۔۔ غمِ جاں سلامت رہے
خواب کے دائرے، ساعتوں کا دھواں
مہرِ آتش زدہ بوسہء نرم جاں
نیند کے کوئے ویراں کی خاک ِزیاں
داغ در داغ اڑتی ہوئی آئی ہے
پردہء کنجِ ارماں سلامت رہے
زندگی پابرہنہ، اکیلی، اداس
دیدہء نم سے مانگے ہے تازہ لباس
اور محبت کے ویران معبد کے پاس
اولیں جرم کے پھول چنتی ہوئی
محو ِرم ۔۔۔ روح عصیاں سلامت رہے
زانوؤں پر نشاں حلقہء دام کے
زاویئے کچھ نکل آئے ہیں کام کے
روئے قاتل میں روئے دل آرام کے
نیک و بد ایک محور کے طالب ہوئے
زیست کی رمز ِپنہاں سلامت رہے
داغ ِلالہ میں سمٹا سوادِ نگاہ
درد کی تیز سفاک موجِ سیاہ
دل کی دیوار تک آ گئی گاہ گاہ
زیر آب آ گیا شہر اے ساکنو
بیم شب، موجِ طوفاں سلامت رہے
زمزموں کے کئی گھومتے چاک سے
رک گئے منہ پہ آتی ہوئی خاک سے
اڑ گیا طائرِ مے رگِ تاک سے
شمع ِبالیں بجھی، خواب صورت گیا
حلقہء دودِ پیچاں سلامت رہے
ہر نفس مجرمِ کوچہء ممکنات
ایک بیمار کا خوابِ وحشت حیات
زخم کی مشعل ِنیم سوزاں کی رات
خوابِ وحشت سلامت رہے اے جنوں
مشعل ِنیم سوزاں سلامت رہے
پائے شل کا نشاں ۔۔ پر شکستہ اسیر
دشتِ افکار میں زندگی اک لکیر
کوئے حرف و سوادِ غزل کی صفیر
کچھ نہ کچھ تحفہء دشت لاتی رہی
وصفِ خارِ مغیلاں سلامت رہے
جل گئی پیاس سے تر زباں شاخِ گل
کھا گیا دل کو وحشی پرندوں کا غل
زمزموں کے در و بام ویراں ہیں کل
قفلِ نادیدہ جڑتی ہوئ آئی ہے
اک ہوا ۔۔ اب در جاں سلامت رہے
۔۔۔۔۔۔۔۔۔۔۔۔۔۔
(عزیز حامد مدنی)
رات آدھی ہوئی، نیتِ شب حرام
بوئے گل، حرفِ پیماں سلامت رہے
رات کی نم ہواؤں کی زنجیر میں
کاکلیں کھل گئیں شوق ِتقصیر میں
رکھ دئیے آئنے کوئے تعبیر میں
خواب نے، دستِ عشاق نے، رات نے
عشق بے ساز و ساماں سلامت رہے
کھِل اٹھے موج ِخوں میں گل و یاسمن
سلسلے یاد کے، رشتہ ہائے کہن
مار خفتہ نفس ، کوئی جی کی لگن
درد کے زہر کا اک پیالہ پئے
جاگ اٹھی ہے ۔۔ غمِ جاں سلامت رہے
خواب کے دائرے، ساعتوں کا دھواں
مہرِ آتش زدہ بوسہء نرم جاں
نیند کے کوئے ویراں کی خاک ِزیاں
داغ در داغ اڑتی ہوئی آئی ہے
پردہء کنجِ ارماں سلامت رہے
زندگی پابرہنہ، اکیلی، اداس
دیدہء نم سے مانگے ہے تازہ لباس
اور محبت کے ویران معبد کے پاس
اولیں جرم کے پھول چنتی ہوئی
محو ِرم ۔۔۔ روح عصیاں سلامت رہے
زانوؤں پر نشاں حلقہء دام کے
زاویئے کچھ نکل آئے ہیں کام کے
روئے قاتل میں روئے دل آرام کے
نیک و بد ایک محور کے طالب ہوئے
زیست کی رمز ِپنہاں سلامت رہے
داغ ِلالہ میں سمٹا سوادِ نگاہ
درد کی تیز سفاک موجِ سیاہ
دل کی دیوار تک آ گئی گاہ گاہ
زیر آب آ گیا شہر اے ساکنو
بیم شب، موجِ طوفاں سلامت رہے
زمزموں کے کئی گھومتے چاک سے
رک گئے منہ پہ آتی ہوئی خاک سے
اڑ گیا طائرِ مے رگِ تاک سے
شمع ِبالیں بجھی، خواب صورت گیا
حلقہء دودِ پیچاں سلامت رہے
ہر نفس مجرمِ کوچہء ممکنات
ایک بیمار کا خوابِ وحشت حیات
زخم کی مشعل ِنیم سوزاں کی رات
خوابِ وحشت سلامت رہے اے جنوں
مشعل ِنیم سوزاں سلامت رہے
پائے شل کا نشاں ۔۔ پر شکستہ اسیر
دشتِ افکار میں زندگی اک لکیر
کوئے حرف و سوادِ غزل کی صفیر
کچھ نہ کچھ تحفہء دشت لاتی رہی
وصفِ خارِ مغیلاں سلامت رہے
جل گئی پیاس سے تر زباں شاخِ گل
کھا گیا دل کو وحشی پرندوں کا غل
زمزموں کے در و بام ویراں ہیں کل
قفلِ نادیدہ جڑتی ہوئ آئی ہے
اک ہوا ۔۔ اب در جاں سلامت رہے
۔۔۔۔۔۔۔۔۔۔۔۔۔۔
