وزیراعظم کا رمیز راجا کو نیا چیئرمین پی سی بی بنانے کا فیصلہ

[جاسم محمد]

وزیراعظم کا رمیز راجا کو نیا چیئرمین پی سی بی بنانے کا فیصلہ
ویب ڈیسک پير 23 اگست 2021
وزیراعظم رمیزراجا کا نام بطور ممبر پی سی بی بورڈ آف گورنرز کو بھجوائیں گے۔ فوٹو:فائل

اسلام آباد: وزیراعظم عمران خان نے احسان مانی کی جگہ سابق ٹیسٹ کرکٹر رمیز راجا کو پاکستان کرکٹ بورڈ کا چیئرمین بنانے کا فیصلہ کرلیا ہے۔

ایکسپریس نیوز کے مطابق چیئرمین پی سی بی احسان مانی اور سابق ٹیسٹ کپتان رمیز راجا نے وزیراعظم عمران خان سے ملاقات کی، اس موقع پر پاکستان کرکٹ کی زبوں حالی اور مسائل کے حوالے سے بات چیت کی گئی۔ احسان مانی نے وزیر اعظم کو کرکٹ کے معاملات سے آگاہ کیا۔

ذرائع کے مطابق وزیراعظم عمران خان نے پاکستان کرکٹ بورڈ کے موجودہ چیئرمین احسان مانی کو فارغ کر دیا اور اگلے 3 سال کے لئے توسیع نہ دینے اور رمیز راجا کو چیئرمین پی سی بی کی ذمہ داریاں سونپنے کے فیصلے سے آگاہ کیا۔

رمیز راجا نے چیئرمین کرکٹ بورڈ کی ذمہ داریاں تفویض کرنے پر وزیر اعظم کا شکریہ ادا کرتے ہوئے اپنا کردار بھرپور طریقے سے ادا کرنے کا عزم ظاہر کیا۔

ذرائع نے بتایا کہ وزیراعظم رمیز راجا کا نام بطور ممبر پی سی بی بورڈ آف گورنرز کو بھجوائیں گے، اور پی سی بی بورڈ آف گورنرز رمیز راجا کو نیا چیئرمین پی سی بی منتخب کرے گا۔

 

[میم الف]

ماشاءاللہ
وزیر اعظم صاحب انقلابی فیصلے کرتے ہیں۔
کبھی سوچا نہیں تھا رمیز راجا صاحب کمنٹری کرتے کرتے چئیرمین بن جائیں گے۔
لیکن رمیز راجا صاحب کافی passionate ہیں کرکٹ کے بارے میں۔
امید ہے یہ فیصلہ پاکستانی کرکٹ کے حق میں اچھا ثابت ہو گا۔

 

[جاسم محمد]

ماشاءاللہ
وزیر اعظم صاحب انقلابی فیصلے کرتے ہیں۔
کبھی سوچا نہیں تھا رمیز راجا صاحب کمنٹری کرتے کرتے چئیرمین بن جائیں گے۔
لیکن رمیز راجا صاحب کافی passionate ہیں کرکٹ کے بارے میں۔
امید ہے یہ فیصلہ پاکستانی کرکٹ کے حق میں اچھا ثابت ہو گا۔

 

[سید عاطف علی]

پہلے ہی بھینس پانی میں تھی ۔ اب دیکھو کہاں پہنچے ۔