وصال وہجر کا قصہ بدلنے والا ہے ۔۔۔۔۔۔۔ آصف ثاقب

[نوید صادق]

غزل
وصال وہجر کا قصہ بدلنے والا ہے
یہی خبر ہے کہ نقشہ بلنے والا ہے

اسے تو جیب کے اوزان کی ہے فکر بہت
پھر اس کے شہر کا سکہ بدلنے والا ہے

پرانے لفظ اتر آئے ہیں بغاوت پر
غریب طفل کا بستہ بدلنے والا ہے

کوئی بھروسہ نہیں صید کو سماعت پر
ہوا چلی ہے کہ پہرا بدلنے والا ہے

مرے مکان میں بے گانگی نہیں کرتا
عجیب بات ہے ، سبزہ بدلنے والا ہے

ذرا سی دیر کو ثاقب کی ہم نوائی تھی
قدم قدم پہ وہ رستہ بدلنے والا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آصف ثاقب
۔۔۔۔۔۔۔۔۔۔۔۔۔۔
شکریہ ماہنامہ ’’بیاض‘‘ مئی 2009ء

 

[شاہ حسین]

شامل کرنے کا شکریہ

 

[ایم اے راجا]

شکریہ نوید صاحب شیئر کرنے کے لیئے

 

[محمد وارث]

اسے تو جیب کے اوزان کی ہے فکر بہت
پھر اس کے شہر کا سکہ بدلنے والا ہے

پرانے لفظ اتر آئے ہیں بغاوت پر
غریب طفل کا بستہ بدلنے والا ہے

لاجواب۔

وصال وہجر کا قصہ بدلنے والا ہے
یہی خبر ہے کہ نقشہ بلنے والا ہے

اس شعر میں ردیف پلیز درست کر دیں، نوازش!