وصل کی بنتی ہیں ان باتوں سے تدبیریں کہیں
آرزوئوں سے پھرا کرتی ہیں تقدیریں کہیں
بے زبانی ترجمانی شوق بے حد ہو تو ہو
ورنہ پیش یار کام آتی ہیں تقریریں کہیں
مِٹ رہی ہیں دل سے یادیں روز گارِ عیش کی
اب نظر کا ہے کو آئیں گی یہ تصویریں کہیں
التفات یار تھا اک خوابِ آغاز وفا
سچ ہوا کرتی ہیں ان خوابوں کی تعبیریں کہیں
تیری بے صبری ہے حسرتؔ خامکاری کی دلیل
گریۂ عشاق میں ہوتی ہیں تاثیریں کہیں
آرزوئوں سے پھرا کرتی ہیں تقدیریں کہیں
بے زبانی ترجمانی شوق بے حد ہو تو ہو
ورنہ پیش یار کام آتی ہیں تقریریں کہیں
مِٹ رہی ہیں دل سے یادیں روز گارِ عیش کی
اب نظر کا ہے کو آئیں گی یہ تصویریں کہیں
التفات یار تھا اک خوابِ آغاز وفا
سچ ہوا کرتی ہیں ان خوابوں کی تعبیریں کہیں
تیری بے صبری ہے حسرتؔ خامکاری کی دلیل
گریۂ عشاق میں ہوتی ہیں تاثیریں کہیں
