وفا سے پوچھ کے آؤ سکھاتی ھے محبت کیا

[مانی عباسی]

وفا سے پوچھ کے آؤ سکھاتی ہے محبت کیا​

سوا اشکوں کےکچھ تمکو پلاتی ہے محبت کیا​

​

حیا آنچل حیا کاجل ادا ظالم نگہ ظالم​

کسی کے حسن سے آگے بھی جاتی ہے محبت کیا​

​

مجھے معلوم ھے رونے سے کوئی مل نہیں جاتا​

مجھے یہ دیکھنا ھے رنگ لاتی ہے محبت کیا​

​

لکھا جو میں نے "چاہت یوں نہیں ہوتی" تو کہتے ہیں​

ارے اتنا بتا تجھ کو بھی آتی ہے محبت کیا​

​

نگاھوں میں کسی کی ڈوب کر یہ جانا ہے میں نے​

شرابِ عشق میں ساقی ملاتی ہے محبت کیا​

​

وہ جو اک خواب میری آنکھوں سے ہر شام بہتا تھا​

اسی کے سائے میں اب بھی نہاتی ہے محبت کیا​

​

نصیحت کرنے والو میری محفل میں تو آئے ھو​

رُکو تو دیکھتے جاؤ دکھاتی ہے محبت کیا​

​

ترا رشتہ ھے کیا مانی محبت سے بتا مجھ کو​

وراثت میں ملی ھے تیری ذاتی ہے محبت کیا..​