شاذ تمکنت وفا کا ذکر ہی کیا ہے جفا بھی راس آئے ۔ شاذ تمکنت

[عندلیب]

وفا کا ذکر ہی کیا ہے جفا بھی راس آئے
وہ مسکرائے تو جرمِ خطا بھی راس ائے

وطن میں رہتے ہم یہ شرف ہی کیا کم ہے
یہ کیا ضرور کہ آب و ہوا بھی راس آئے

ہتھیلیاں ہیں تری لوحِ نور کی مانند
خدا کرے تجھے رنگِ حنا بھی راس آئے

دوا تو خیر ہزاروں کو راس آئے گی
مزہ تو جینے کا جب ہے شفا بھی راس آئے

تو پھر یہ آدمی خود کو خدا سمجھنے لگے
اگر یہ عمرِ گریزاں ذرا بھی راس آئے

اب اس قدر بھی نہ کر جستجوئے آبِ بقا
گلِ ہنر ہے تو بادِ فنا بھی راس آئے

یہ ترا رنگِ سخن ترا بانکپن اے شاذ
کہ شعر راس تو آئے انا بھی راس آئے

 

[طارق شاہ]

وطن میں رہتے ہیں ہم، شرف یہ ہی کیا کم ہے
یہ کیا ضرور کہ آب و ہوا بھی راس آئے

یہ تیرا رنگِ سخن تیرا بانکپن، اے شاذ !
کہ شعر راس تو آئے انا بھی راس آئے

 

[عمر سیف]

بہت خوب