متلاشی
محفلین
جی چار پانچ سال سے تو شاید محفل پر اس فونٹ کا تذکرہ ہو رہا ہے جبکہ فونٹ پر کام اور ریسرچ 2005 سے شروع ہے۔۔۔ ہمارا مقصد ایک ایسا حرفی نستعلیق فونٹ مہیا کرنا ہے جو کہ خوبصورتی کے ساتھ ساتھ ہر قسم کے مسائل سے مبرا ہو۔۔۔ لگیچر بیس فونٹ کے مسائل اپنی جگہ موجود ہیں۔۔۔ اور کریکٹر بیس کے اپنی جگہ۔۔۔ پہلے تو ہم نے نفیس کی بیس پر ہی کام کیا تھا۔۔ مگر اب میں خود ایک نئی بیس بنا رہا ہوں امید ہے کہ اس میں حرفی فونٹ کے تقریباً سارے مسائل کا حل موجود ہو گا۔۔۔متلاشی اس بات کو ذرا کنفرم کر دیں
دوسرا عارف بھائی آپ چونکہ خود فونٹ ڈویلپر ہیں تو آپ اچھی طرح سمجھ سکتے ہیں کہ ایک ایسا حرفی فونٹ بنانا جو کہ خوبصورتی ، تیز رفتاری کے ساتھ ساتھ دیگر کریکٹر بیسڈ فونٹس کے عمومی مسائل (نقطوں کا ٹکراؤ، کرننگ وغیرہ) سے بھی مبرا ہو کس قدر جان جوکھوں کا کام ہے۔۔۔
اور پھر غمِ روزگار کے ساتھ ساتھ اس کو مینج کرنا اور بھی زیادہ مشکل ٹاسک ہے۔۔۔
arifkarim
معطل
نفیس کی بیس میں کیا مسئلہ تھا؟
متلاشی
محفلین
سب سے بڑا مسئلہ رفتار سست
دوست
محفلین
فونیٹک کی بورڈ لے آؤٹ غیر سائنسی ہے۔ پاکستان کے ادارہ فروغ اردو زبان (سابقہ مقتدرہ قومی زبان) کا منظور کردہ اردو کی بورڈ پہلے ہی اس میں شامل ہے۔ مذکورہ کی بورڈ اردو کے بکثرت استعمال ہونے والے حروف کو صحیح جگہ رکھ کر تیار کیا گیا ہے۔ یعنی بکثرت استعمال ہونے والے حروف درمیانی لائن پر اور اس طرح اوپر اور نیچے والی لائنیں۔ انگریزی حروف اے ایس ڈی ایف بھی اسی اصول پر میپ کیے گئے ہیں تاکہ ٹائپنگ میں آسانی ہو۔ فونیٹک کی بورڈ کو پروفیشنل ٹائپسٹ ناپسند کرتے ہیں چونکہ گھنٹوں ٹائپنگ کی وجہ سے ایک ہاتھ پر بہت زیادہ بوجھ پڑتا ہے میرا ذاتی تجربہ ہے کہ دایاں یا بایاں ہاتھ بہت زیادہ تھک جاتے ہیں (میں کمپیوٹر پر دو تین گھنٹے بیٹھا ترجمہ کرتا رہوں تو میری انگلیاں بتا دیتی ہیں کی بورڈ لے آؤٹ غلط ہے)۔ ہم عام صارفین کو فونیٹک کا مشورہ اس لیے دیتے ہیں کہ اسے سیکھنا آسان ہے۔ اے پر الف اور بی پر بے۔ لیکن پروفیشنلز آفتاب کی بورڈ لے آؤٹ یا مقتدرہ پر منتقل ہو جاتے ہیں۔ چنانچہ مائیکروسافٹ کو ای میل کرنے کی ضرورت کبھی محسوس نہیں کی گئی اور نہ ہی اب ہے۔ ان آفیشلی یہ کی بورڈ چلتا ہے۔ لیکن ونڈوز کا اپنا کی بورڈ جو کہ مقتدرہ کا کی بورڈ ہے اسے ہی استعمال کرنا بہتر ہے۔
آصف اثر
معطل
چوں کہ عام صارفین تعداد میں پرفیشنلز سے بہت زیادہ ہیں لہذا اگر عام صارفین اور مبتدی حضرات کے ساتھ ساتھ اس بات کو مدنظر رکھا جائے کہ زیادہ سے زیادہ لوگ اردو کی طرف منتقل ہوجائے یا کمپیوٹنگ اردو میں آسانی سے کر سکے تو کیا یہ عین مناسب نہیں کہ ونڈوز 10 میں فونیٹک کی بورڈ رکھا جائے۔ پروفیشنلز تو اپنے پیشے کی وجہ سے بہرصورت مقتدرہ کا لے آؤٹ اپنا سکتے ہیں ، لیکن اگر ہر صارف کو بغیر کسی رکاؤٹ کے فونیٹک کی بورڈ دستیاب ہو تو وہ ضرور اردو لکھنے کی جانب خوشی سے مائل ہوں گے۔
دوست
محفلین
اس کے لیے پاک اردو انسٹالر موجود ہے۔ ایک کلک سے سارا کام کرتا ہے۔ صارف بنیادی فانٹس بھی حاصل کر لیتا ہے اور کی بورڈ بھی۔ بصورتِ دیگر ایک عام آدمی کو کنٹرول پینل/سیٹنگز لینگوئجز اور آگے جا کر زبان سیٹ کرنا پڑتی ہے جو کہ انسٹالر ایسے کسی بھی جھنجھٹ کے بغیر کر دیتا ہے۔ اردو لکھنے کی جانب مائل ہونے کے لیے ذہن کو مائل کرنا ضروری ہے۔ جو ہو جاتے ہیں وہ سب کچھ کر لیتے ہیں۔
متلاشی
محفلین
مزید بر آں آپ مائیکرو سوفٹ کی بورڈ لے آؤٹ کرئیٹر سے اپنی مرضی کا کی بورڈ لے آؤٹ بنا کر اسے استعمال کر سکتے ہیں