وہ سیدوں کے گھر میں بھی ہو کر بُرا ہوا!

[عظیم]

عالم خرابی چاہے تمہاری تو کیا ہوا؟
اک رب کے چاہنے سے ہی سب کا بھلا ہوا

میری نظر میں جس کو نہیں بات کا ادب
وہ سیدوں کے گھر میں بھی ہو کر بُرا ہوا

روکے اگر جہان بھی آئے گا تجھ تلک
یارب یہ تیری خلق سے تیرا چنا ہوا

جب جب بھی مجھ کو روکنے آیا کوئی بھی شخص
میرا یہ شوق شاعری کا دو گنا ہوا

کہیے بھی کیا کہ آئے ہیں اُس وقت ہم یہاں
لگتا ہے جب ہر ایک ہی دکھڑا سنا ہوا

آ کر تو دیکھ بستی میں اصلاح کی تو دوست!
سمجھا ہے اپنے آپ کو تُو نے پُنا ہوا

اندھا نہیں ہے دیکھ کہ گزرے ہیں کیسے شاہ
تجھ سے انا پرستوں کا انجام کیا ہوا

ہم نے عظیم بخش دیا سب کا ہر قصور
تب جا کے خود شناسی کا دروازہ وا ہوا


​

بابا

 

[الف عین]

کون روکنے آیا تھا جو دھڑا دھڑ شاعری کر رہے ہو بیٹا @عظیم؟
مطلع کا پہلا مصرع ہی بدلو، روانی اچھی نہیں ۔
دنیا برا جو چاہے تمہارا.... کیسا رہے گا؟

روکے اگر جہان بھی آئے گا تجھ تلک
یارب یہ تیری خلق سے تیرا چنا ہوا
جہان بھی.. کے بعد کوما ضرور دو

آ کر تو دیکھ بستی میں اصلاح کی تو دوست!
سمجھا ہے اپنے آپ کو تُو نے پُنا ہوا
قافیہ میری سمجھ میں نہیں آیا،، شاید پنجابی ہے،
باقی ٹھیک ہیں اشعار مگر کچھ ہلکے رہے شاید سنگلاخ زمین کی وجہ سے

 

[عظیم]

​

کون روکنے آیا تھا جو دھڑا دھڑ شاعری کر رہے ہو بیٹا @عظیم؟
مطلع کا پہلا مصرع ہی بدلو، روانی اچھی نہیں ۔
دنیا برا جو چاہے تمہارا.... کیسا رہے گا؟

روکے اگر جہان بھی آئے گا تجھ تلک
یارب یہ تیری خلق سے تیرا چنا ہوا
جہان بھی.. کے بعد کوما ضرور دو

آ کر تو دیکھ بستی میں اصلاح کی تو دوست!
سمجھا ہے اپنے آپ کو تُو نے پُنا ہوا
قافیہ میری سمجھ میں نہیں آیا،، شاید پنجابی ہے،
باقی ٹھیک ہیں اشعار مگر کچھ ہلکے رہے شاید سنگلاخ زمین کی وجہ سے

روکنے شاید میری غلط فہمی ہو۔ مطلع میں 'برا' ہی کر دیتا ہوں ۔ در اصل پہلے کی طرح ادھر کہی اور ادھر پوسٹ کر دی تھی
"پُنا ہوا" کا مجھے بھی شک تھا لیکن پننا سے پنا ہوا یعنی چھانا ہوا وغیرہ مطلب لیا تھا