وہ مجھے طعنۂِ مفلسی دے گیا

[سعید احمد سجاد]

سر الف عین
یاسر شاہ
اور دیگر احباب سے اصلاح کی درخواست ہے


ہنستی آنکھوں میں کیوں وہ نمی دے گیا
مستقل مجھ کو افسردگی دے گیا

سسکیاں بن گئی ہیں مقدر مرا
زخم الفت عجب زندگی دے گیا

رونقیں بھی مسرت کا باعث نہیں
جانے کیسی وہ مجھ کو کمی دے گیا

میرے حصے میں خوشیاں نہ آئیں کبھی
وہ مجھے بے رخی کج روی دے گیا

کر گیا اور بھی جاتے جاتے ستم
وہ مجھے طعنۂِ مفلسی دے گیا

پھر سے بزمِ رقیباں میں بیٹھا تھا وہ
میرے غم کو نئی تازگی دے گیا

میرے لفظوں میں اکثر رہی تلخیاں
جو بھی آیا مجھے برہمی دے گیا

حسن خوباں تخیل میں جب آگیا
میرے لفظوں کو وہ نازکی دے گیا

عمر بھر کے لئے سونپ کر ہجر وہ
یہ نشانی مجھے آخری دے گیا

زخم دنیا نے سجاد جو بھی دیا
وہ مجھے اک نئی آگہی دے گیا

 

[الف عین]

یہ شعر مفہوم کے اعتبار سے عجیب ہے
میرے حصے میں خوشیاں نہ آئیں کبھی
وہ مجھے بے رخی کج روی دے گیا
یعنی محبوب نے اپنی کج روی تم کو ٹرانسفر کر دی؟
اور اس شعر میں
میرے لفظوں میں اکثر رہی تلخیاں
جو بھی آیا مجھے برہمی دے گیا
لفظ کے بدلے لہجہ بہتر ہو گا
میرے لہجے میں اکثر.......
باقی ٹھیک لگ رہے ہیں اشعار

 

[سعید احمد سجاد]

یہ شعر مفہوم کے اعتبار سے عجیب ہے
میرے حصے میں خوشیاں نہ آئیں کبھی
وہ مجھے بے رخی کج روی دے گیا
یعنی محبوب نے اپنی کج روی تم کو ٹرانسفر کر دی؟
اور اس شعر میں
میرے لفظوں میں اکثر رہی تلخیاں
جو بھی آیا مجھے برہمی دے گیا
لفظ کے بدلے لہجہ بہتر ہو گا
میرے لہجے میں اکثر.......
باقی ٹھیک لگ رہے ہیں اشعار

شکریہ سر دوبارہ دیکھتا ہوں