وہ کشمیر ہوں میں !

[فاخر]

یہنظم نہیں ؛بلکہ خالقِ کائنات سے ایک فریاد ہے ،اسے فریاد ہی سمجھیں ! الف عین صاحب اور دیگر احباب کی خدمت میں !
بسم اللہ الرحمٰن الرحیم
وہ کشمیر ہوں میں!

افتخاررحمانی فاخرؔ

الٰہی مقید ہیں جس کی صدائیں٭جو کامل ہو زنداں ، وہ کشمیر ہوں میں

ہوئی ختم زینت ، جہاں کی خدایا٭رہا جو نہ خوباں ، وہ کشمیر ہوں میں

جگر شق ہے مولیٰ ، قبا بے رفو ہے٭ہے خوں جس کا ارزاں ، وہ کشمیرہوں میں

مرے اے خدایا ، ازل سے ابد تک٭ہوا جو پریشاں ، وہ کشمیر ہوں میں

میں صَرفِ نظر کی شکایت کروں کیوں٭جو ہے طاقِ نسیاں ، وہ کشمیر ہوں میں

سراپا الم ہوں ، فغاں بے اثر ہے٭نہیں جس کا درماں، وہ کشمیر ہوں میں

خدایا ! تہہ تیغ ہوں ، ہر طرف ہے ٭جہاں موت رقصاں ، وہ کشمیر ہوں میں

غموں میں ہے جینا ، دکھوں میں ہے مرنا ٭ہے جس کا یہ عنواں ، وہ کشمیر ہوں میں

بہشت ِ زمیں میں ، بلکتے ہیں لاکھوں٭جہاں ماہِ کنعاں ، وہ کشمیر ہوں میں

خدایا ! اسارت میں اب ہیں کروڑوں٭جہاں حور و غلماں ، وہ کشمیر ہوں میں

الٰہی ! میں زخموں سے اب جاں بلب ہوں٭ہے اک سوز پنہاں ، وہ کشمیر ہوں میں

الٰہی ! نوازش سے محروم کیوں ہوں؟٭رکھے تجھ پہ ایماں ، وہ کشمیر ہوں میں

بہشت ِ زمیں اب جہنم بنی ہےجو ٭خوں میں ہے غلطاں ، وہ کشمیر ہوں میں

ہوا بے نشاں میں ، بنا ہوں مکمل٭جو شہرِ خموشاں ، وہ کشمیر ہوں میں

کسی ابن قاسمؒ کو اب بھیج مولیٰ٭بنیں جس کے درماں، وہ کشمیر ہوں میں
​

 

[الف عین]

نہیں میاں پسند نہیں آئی.۔ بھرتی کے الفاظ کی بھرمار ہے۔ الہی خدایا کی بہتات بھی اچھی نہیں لگتی۔ اسے خود ہی روائز کریں پہلے