ماہر القادری وہ ہنس ہنس کے وعدے کیے جارہے ہیں - ماہر القادری

[کاشفی]

غزل
(ماہر القادری)
وہ ہنس ہنس کے وعدے کیے جارہے ہیں
فریبِ تمنّا دیے جارہے ہیں

ترا نام لے کر جیے جارہے ہیں
گناہِ محبت کیے جارہے ہیں

مرے زخمِ دل کا مقدر تو دیکھو
نگاہوں سے ٹانکے دیے جارہے ہیں

نہ کالی گھٹائیں، نہ پھولوں کا موسم
مگر پینے والے پیے جارہے ہیں

تری محفلِ ناز سے اُٹھنے والے
نگاہوں میں تجھ کو لیے جارہے یں

مرے شوقِ دیدار کا حال سن کر
قیامت کے وعدے کیے جارہے ہیں

حریمِ تجلی میں ذوقِ نظر ہے
نگاہوں سے سجدے کیے جارہے ہیں

ابھی ہے اسیری کا آغاز ماہر
ابھی تو فقط پرسیے جارہے ہیں​

 

[کاشفی]

طارق شاہ صاحب غزل کی پسندیدگی کے لیئے شکریہ۔۔

 

[ادب دوست]

کیا بات ہے ماہر صاحب کی۔۔ واہ ..
اور کیا بات ہے کاشفی بھائی آپ کے انتخاب کی۔۔۔واہ۔۔

 

[ان کہی]

بہت خوب .........

 

[کاشفی]

کیا بات ہے ماہر صاحب کی۔۔ واہ ..
اور کیا بات ہے کاشفی بھائی آپ کے انتخاب کی۔۔۔واہ۔۔

شکریہ۔ خوش رہیئے۔۔۔

 

[کاشفی]

بہت خوب .........

شکریہ!