وے ماہی ۔۔۔!

[ملک حبیب]

عَرضی سُن ہِک وار وے ماہی
کر نا بہتا خوار وے ماہی

ڈُب ڈُب اَکھیاں غوطے کھاون
دَرداں دے ہُنگار وے ماہی

کم اَولّے نے اس دِل دے
کر دیون بے کار وے ماہی

ماس کَپیندا رَت پئی چوندی
ہَڈیاں دے تِڑکار وے ماہی

لوکی ہَس ہَس کھیڑے کردے
مینوں ہور وِچار وے ماہی

چا چا سِر ہِن پُھل تَکیندے
وَل آ ساڈے دار وے ماہی

قُمری ،طوطے لٹکن لگے
شاخاں دے گَل ہار وے ماہی

رب رب وِرد رُباب پُکارے
چھیڑ دے راگ ستار وے ماہی

باجے تے نقارے وَجدے
ڈھولاں دے کَڑکار وے ماہی

شہنائی دی واج دِلے نوں
کردی ٹوٹے چار وی ماہی

ہاسے خوشیاں چار چوفیرے
میں تَتی وِچکار وے ماہی

لوکاں دے دو جگ حبیبا
مینوں تو درکار وے ماہی

کلام ملک حبیب

 

[خالد محمود چوہدری]

کر، نا بہتا خوار وے ماہی

 

[ادب دوست]

عَرضی سُن ہِک وار وے ماہی
کر نا بہتا خوار ماہی

دوسرے مصرعے میں شائد "وے" رہ گیا ہے

 

[تلمیذ]

کم اَولّے نے اس دِل دے
کر دیون بے کار وے ماہی

واہ واہ ملک صاب۔بہت اعلیٰ!

 

[ملک حبیب]

ادب دوست صاحب اصلاح پر شکر گزار ہوں
باقی دوستوں کا مشکور ہوں،،،، سلامت رہیں۔