ُنسلی یار

[ظہور قریشی]

نسلی یار یارانے دا بھرم ہوند ے
کم ذات جو یاریاں توڑ جاندے
لڑ مردے اصیل میدان اندر
بدنسلے میدان چوں دوڑ جاندے
کدی مشکل مقام تے لوڑ پئے جائے
نیچ یاراں دے ولوں مکھ موڑ جاندے
فرق دونواں وچ اتنا ظہور سائیاں
اصل توڑ چاڑن نقل چھوڑ جاندے​

 

[یوسف سلطان]

واہ واہ بہت ودھیا ظہور پا جی
ظہور پا جی "چھوٹا منہ تے وڈی گل" الا حساب ہو جاندا اے پر اک گل اکھاں گا اگر ایس مصرے وچ پہلے لفظ دے نال سکتہ(،) لا لیا جاوے تے کنج روےگا مثلا
نیچ، یاراں دے ولوں مکھ موڑ جاندے
باقی جسطرح تہاڈی مرضی کیونکہ میں کوئی شاعر نئی، بس پڑن دا شوق اے،تے مینوں انج لگا تےتہانوں اکھ چھڈیا،
تےنالے ظہور پا جی اگر ہو سکےتے اپنڑا تعارف وی کرا چھڈدے ایک وکھری لڑی کھول کے،
کوئی گل غلط لگی ہووے تے مافی دے دیا جے۔ رب را کھا

​

 

[ظہور قریشی]

پائی" یوسف سلطان " جی تہاڈا بہوں شکریہ جے تسی میرے سخن نوں توجہ دے قابل سمجھ کے نظر کرم کیتی " سکتہ " والی رائے دلوں قبول اے اصل وچ میرے لکھن وچ فرق لگا کیوں جے چند دیہاڑے پہلے حاضر ہویا واں بزم وچ تے اردو ٹائیپ کرنا بندہ حقیر واسطے نواں کم ای سمجھو انشاء اللہ وقت نال نال بہتری دی توقع اے انشاء اللہ تعالی

 

[یوسف سلطان]

انشاء اللہ وقت نال نال بہتری دی توقع اے انشاء اللہ تعالی

ان شاء الله! ضرور ہووے گی بہتری۔

 

[حمیرا عدنان]

بہت ودھیا پائین ماشاءاللہ اللہ تہاڈی لمبی حیاتی کرے

 

[ظہور قریشی]

بہت شکریہ

 

[رومانہ چوہدری]

بہت خوب

 

[ظہور قریشی]

نوازش