ٹوٹ بٹوٹ - صوفی تبسم

[محمد وارث]

ٹوٹ بٹوٹ

ایک تھا لڑکا ٹوٹ بٹوٹ
باپ تھا اس کا میر سلوٹ
پیتا تھا وہ سوڈا واٹر
کھاتا تھا بادام اخروٹ
ایک تھا لڑکا ٹوٹ بٹوٹ

ہر اک اس کی چیز ادھوری
کبھی نہ کرتا بات وہ پوری
ہنڈیا کو کہتا تھا ہنڈی
لوٹے کو کہتا تھا لوٹ
ایک تھا لڑکا ٹوٹ بٹوٹ

امی بولی بیٹا آؤ
شہر سے جاکر لڈو لاؤ
سنتے ہی وہ لے کر نکلا
جیب میں ایک روپے کا نوٹ
ایک تھا لڑکا ٹوٹ بٹوٹ

اتنا اس کا جی للچایا
رستے میں ہی کھاتا آیا
کھاتے کھاتے آئی ہچکی
دانت میں اس کے لگ گئی چوٹ
ایک تھا لڑکا ٹوٹ بٹوٹ

بھائی اسے اٹھانے آیا
ابا گلے لگانے آیا
امی اس کی روتی آئی
ہائے میرا ٹوٹ بٹوٹ
ہائے میرا ٹوٹ بٹوٹ
ایک تھا لڑکا ٹوٹ بٹوٹ

صوفی غلام مصطفٰی تبسم

 

[سیدہ شگفتہ]

بہت عمدہ... یہ تو میری پسندیدہ نظم ہے !

 

[محمد وارث]

بہت عمدہ... یہ تو میری پسندیدہ نظم ہے !

بہت شکریہ آپ کا۔

 

[الف نظامی]

جھولنے از صوفی غلام مصطفے تبسم

 

[فرخ منظور]

بہت شکریہ نظامی صاحب آپ نے یہ ربط دے دیا ورنہ میں "جھولنے" میں سے کچھ نظمیں یہاں‌ارسال کرنا چاہ رہا تھا -