ٹُر جاونڑ اک وار تے ماواں لبھدیاں نئیں

[عبدالقیوم چوہدری]

ایڈیاں گُوڑیاں جگ تے چھاواں لبھدیاں نئیں
ٹُر جاونڑ اک وار تے ماواں لبھدیاں نئیں

پُتر پاویں لکھ جہان تُوں مندے نیں
ماواں آکھنڑ سارے جگ تُوں چنگے نیں
ہور کسے تُوں انج وفاواں لبھدیاں نئیں
ٹُر جاونڑ اک وار تے ماواں لبھدیاں نئیں

مندا منہ چوں بول جے نکلے ٹوک دئیاں
چنگی ماڑی تھاں توں ماواں روک دئیاں
مفت اچ ایڈیاں نیک صلاہواں لبھدیاں نئیں
ٹُر جاونڑ اک وار تے ماواں لبھدیاں نئیں

ماں دے وانگوں کنے درد ونڈانا اے
ایویں بُوہا کھڑکیا کِنے آوّنا اے
ایویں رولے پا نا کاواں لبھدیاں نئیں
ٹُر جاونڑ اک وار تے ماواں لبھدیاں نئیں

کم اک دوستا آکھاں تینوں کر جاویں
ماں دے مرن توں پہلاں پہلاں مر جاویں
جگ اُتے فیر مرن نوں تھاواں لبھدیاں نئیں
ٹُر جاونڑ اک وار تے ماواں لبھدیاں نئیں

ماں دا شاکرؔ انت وِچھوڑا سہنا اے
فیر آپے ڈِگنا آپے اُٹھنا پینا اے
میرا پُت بسمہ اللہ دیاں فیر صداواں لبھدیاں نئیں
ٹُر جاونڑ اک وار تے ماواں لبھدیاں نئیں

ایڈیاں گُوڑیاں جگ تے چھاواں لبھدیاں نئیں
ٹُر جاونڑ اک وار تے ماواں لبھدیاں نئیں​

 

[نایاب]

حق ۔۔۔۔۔۔۔۔۔۔۔۔
ماواں سانجھیاں ٹھنڈیاں چھاواں
ڈھیر دعاواں

 

[عبدالقیوم چوہدری]

حق ۔۔۔۔۔۔۔۔۔۔۔۔
ماواں سانجھیاں ٹھنڈیاں چھاواں
ڈھیر دعاواں

مہربانی جناب دی۔

 

[رومانہ چوہدری]

اعلیٰ۔

 

[عبدالقیوم چوہدری]

اعلیٰ۔

شکریہ جی

 

[جاسمن]

دل اچ اتردا کلام۔
بہت ودھیا۔

 

[عبدالقیوم چوہدری]

دل اچ اتردا کلام۔
بہت ودھیا۔

شکریہ۔

 

[ڈاکٹرعامر شہزاد]

ٹُر جاونڑ اک وار تے ماواں لبھدیاں نئیں
بے شک
اینا ودھیا تے سو ہنا کلام سانجھ کرن لئی شکریہ

 

[عبدالقیوم چوہدری]

ٹُر جاونڑ اک وار تے ماواں لبھدیاں نئیں
بے شک
اینا ودھیا تے سو ہنا کلام سانجھ کرن لئی شکریہ

شکریہ جناب.

 

[Amir Shahzad Zaman]

بہت عمدہ جی